काठमाडौं । एक व्यक्तिले २४ घण्टाभन्दा कम समयमै १० देशको यात्रा पूरा गरे । यसमा नेदरल्याण्ड, बेलायत, जर्मनी, फ्रान्स, स्विट्जरल्याण्ड जस्ता देशहरू सामेल छन्। चाखलाग्दो कुरा के छ भने, उनले यो यात्रामा सार्वजनिक यातायात मात्र प्रयोग गरे। यो सबै कसरी सम्भव भयो भन्ने व्यक्ति आफैले बताए ।

द सनका अनुसार उक्त व्यक्तिको नाम जो किबल हो। ४० वर्षीय किबल बेलायतको लण्डन निवासी हुन् । उनले गत सोमबार राति १२ बजे नेदरल्याण्डको इजस्डेनबाट यात्रा सुरु गरेका हुन् । २४ घण्टाको यात्रामा उनले १० देश पार गरी करिब १ हजार किलोमिटरको दुरी तय गरेका थिए ।

किबलले १० देशहरू भ्रमण गर्न सार्वजनिक यातायात मात्र प्रयोग गरे। उनले बेल्जियम, लक्जमबर्ग, जर्मनी, फ्रान्स, स्विट्जरल्याण्ड, लिकटेन्स्टाइन, अस्ट्रिया र स्लोभाकियामा बस, रेल, भाडामा लिएको बाइक आदिमा यात्रा गरे। किबल मंगलबार राति ११.२५ बजे चेक गणतन्त्रको ब्रेक्लाभ पुगेका थिए ।

ब्रेक्लाभ पुग्ने बित्तिकै नेदरल्याण्ड्सबाट सुरु भएको उनको १० देशको यात्रा पूरा भयो । तर, उनी ११औं देश हंगेरी पनि जान लागेका थिए तर उनको रेल छुटेको थियो ।

वास्तवमा, आठ महिना अघि यस्तै यात्रा गरेपछि किबलले आफैंलाई चुनौती दिएका थिए कि अब लन्डनबाट २४ घण्टामा १० देशको यात्रा गर्नेछन्। मंगलबारको यात्रा पूरा गरेपछि उनले निकै राम्रो अनुभव भएको बताए । उनले भने यस अवधिमा मैले ८ वटा रेल, ५ वटा बस, एउटा भाडामा लिइएको बाइकमा यात्रा गरें।

किबलले राति ११.५८ बजे दक्षिणी नेदरल्याण्डको सानो गाउँ इजस्डेनबाट आफ्नो साहसिक कार्य सुरु गरेको बताए । उनी दिनको अन्तिम ट्रेनमा प्रस्थान गरे। पहिले उनी बेल्जियम र अन्तमा चेक रिपब्लिक पुगे । किबलले भने कि मलाई लाग्छ २४ घण्टामा पनि धेरै देश घुम्न सकिन्छ ।