काठमाडौं । उड्दा उड्दै आकाशमै इन्जिनमा समस्या भएपछि समिट एयरको जहाजलाई नेपालगञ्ज फर्काइएको छ । नाइन एन एएनडी कलसाइन भएको सो जहाज आज बिहान ७ बजेर ४० मिनेटमा हुम्लाको सिमिकोटतर्फ उडेको थियो ।

समाचारअनुसार, जहाजमा १६ जना यात्रुहरु थिए । गन्तब्यमा पुग्नुअघि नै जहाजको दाहिने इन्जिनमा समस्या आएपछि चालक दलले पुनः नेपालगञ्जमै फर्काई ८ बजेर ४३ मिनेटमा सुरक्षित अवतरण गराएका थिए । त्यसपछि कतिपय यात्रुहरुले हुम्ला यात्रा नै रद्ध गरेको बताइएको छ ।