काठमाडौं । नेपाली कांग्रेसका सभापति एवम् निवर्तमान प्रधानमन्त्री शेरबहादुर देउवा नवनियुक्त प्रधानमन्त्री पुष्पकमल दाहाल र मन्त्रीहरुको शपथ कार्यक्रम चल्दा चल्दै शीतल निवासबाट बाहिरिएका छन् ।

मङ्सिर ४ मा भएको प्रतिनिधि सभा र प्रदेश सभाको निर्वाचनमा ठूलो दल बने पनि कांग्रेसले आफ्नै नेतृत्वमा सरकार गठन गर्न नसकेपछि नेकपा (माओवादी केन्द्र)का अध्यक्ष पुष्पकमल दाहाल (प्रचण्ड) को नेतृत्वमा नयाँ सरकार गठन भएको छ ।

देउवाले शान्तिपूर्णरुपमा सत्ता हस्तान्तरण गर्दै धेरै समय भने राष्ट्रपति भवनमा रहेनन् ।

जब दाहालले राष्ट्रपतिसमक्ष प्रधानमन्त्री पदको शपथ ग्रहण गरे, त्यसपछि देउवाले दाहाललाई बधाइ ज्ञापन गरेर प्रधानमन्त्री बस्ने कुर्सी खाली गरिदिए। त्यसपछि उनी राष्ट्रपति भवनबाट बाहिरिएका हुन्।