काठमाडौँ। इन्स्ट्यान्ट मेसेजिङ प्लेटफर्म व्हाट्सएपले डिसेम्बर २०२२ मा भारतमा लाखौं अकाउन्टहरू प्रतिबन्ध लगाएको छ। एपले बुधबार एकाउन्ट प्रतिबन्धको जानकारी दिएको छ। ह्वाट्सएपले कम्पनी नीतिको उल्लङ्घन, प्रयोगकर्ता रिपोर्ट र अन्य कारणहरूले गर्दा प्रत्येक महिना अकाउन्टहरू प्रतिबन्धित गर्दछ। डिसेम्बर महिनामा प्रतिबन्धित खाताहरूको संख्या नोभेम्बरको तुलनामा केही कम छ।

नोभेम्बर महिनामा एपले ३७.१६ लाख अकाउन्टमा प्रतिबन्ध लगाएको थियो, जुन डिसेम्बरमा ३६.७७ लाखमा झरेको छ। यसमा १३.८९ लाख खाताहरू सक्रिय रूपमा प्रतिबन्धित भएका छन्। व्हाट्सएपले आईटी नियम २०२१ अन्तर्गत प्रतिबन्धित अकाउन्टहरूको बारेमा हरेक महिना जानकारी दिन्छ।

एपमा भनिएको छ, ‘१ डिसेम्बर २०२२ देखि ३१ डिसेम्बर २०२२ सम्म ३६.७७ लाख खाताहरू प्रतिबन्धित गरिएको छ। यसमा, कुनै पनि प्रयोगकर्ता द्वारा रिपोर्ट गर्नु अघि नै १३.८९ लाख खाताहरू सक्रिय रूपमा प्रतिबन्धित छन्।

२०२१ मा नयाँ आईटी नियमहरू आएपछि, ठूला डिजिटल प्लेटफर्महरूले प्रत्येक महिना अनुपालन रिपोर्ट जारी गर्नुपर्नेछ। यस रिपोर्टमा, सोशल मिडिया प्लेटफर्महरूले प्लेटफर्मलाई सुरक्षित बनाउनका लागि चालेका सबै कार्यहरूको बारेमा जानकारी दिन्छ।

किन गर्छन् व्हाट्सएपले अकाउन्ट प्रतिबन्ध ?
ठूला सामाजिक मिडिया प्लेटफर्महरू घृणायुक्त भाषण, गलत सूचना र नक्कली समाचारहरू फैलाउन धेरै पटक प्रयोग गरिन्छ। यस्तो अवस्थाको सामना गर्न यी प्लेटफर्महरूले प्रत्येक महिना अनुपालन रिपोर्ट जारी गरेर जानकारी दिनुपर्छ।

डिसेम्बर महिनामा प्रयोगकर्ताको अपीलमा उल्लेख्य वृद्धि भएको ह्वाट्सएपले जनाएको छ। जहाँ मंसिर महिनामा ९ सय ४६ उजुरी परेका छन्। योसँगै पुस महिनामा यसको संख्या बढेर १४५९ पुगेको छ। यसमध्ये ह्वाट्सएपले मात्र १६४ खातामा कारबाही गरेको छ।

यसबाहेक, एपले सुरक्षासँग सम्बन्धित १३ वटा रिपोर्टहरू प्राप्त हुन्थ्यो, तर तिनीहरूमाथि कुनै कारबाही भने भएको छैन। कुनै पनि अकाउन्टलाई रिपोर्ट गर्न तपाईंले व्हाट्सएप सेटिङमा जानु पर्छ। यहाँ तपाईंले हेल्पमा क्लिक गर्नुपर्नेछ र त्यसपछि कन्टयाक असमा जानुहोस्।