काठमाडौं । भारत र अस्ट्रेलियाबीचको बोर्डर गावस्कर सिरिजको तेस्रो टेष्ट खेल इन्दौरमा भएको छ । पाँच दिनसम्म चल्नुपर्ने यो खेल तेस्रो दिनमै सकिएको थियो ।

अन्तर्राष्ट्रिय क्रिकेट काउन्सिल अर्थात आईसीसीले इन्दौरको पिच खराब भएको बताएको छ । दुवै टोलीका स्पिन बलरले पहिलो दिनदेखि नै पिचबाट सहयोग लिन थालेका थिए ।

र नतिजा यस्तो आयो कि पूरै खेलमा झरेका ३१ विकेटमध्ये २६ स्पिनरको खातामा गए । र, तेस्रो दिनको पहिलो सत्रमै खेल सकिएको थियो ।

तीब्र गतिका बलरहरु चार विकेट लिएर मात्रै सन्तुष्ट हुनु परेको थियो भने एक खेलाडी रनआउट भएका थिए । आईसीसी म्याच रेफ्रीले इन्दौरको होल्कर स्टेडियमलाई तीन डिमेरिट अंक दिएका छन्।

बीसीसीआईसँग अब यो प्रतिवेदनलाई चुनौती दिन १४ दिनको समय छ।