काठमाडौं । किशमिशलाई गुणको खानी भनिन्छ । यो उत्कृष्ट ड्राई फ्रुट अंगूर सुकाएर तयार गरिन्छ। यसमा अंगूरका सबै गुणहरू छन्। यसमा आइरन, पोटासियम, क्याल्सियम, म्याग्नेसियम र फाइबर प्रशस्त मात्रामा पाइन्छ । जुन तपाईको स्वास्थ्यका लागि निकै फाइदाजनक हुन्छ । यसको प्रयोगले धेरै गम्भीर रोगहरू नियन्त्रण गर्न सकिन्छ। राम्रो र स्वस्थ जीवनका लागि यसलाई भिजाएर बिहान खानु र र भिजाएको पानी पिउनु निकै फाइदाजनक मानिन्छ । आउनुहोस् तपाईलाई यसको पानी पिउनाले के–के फाइदा थाहा पाउनुहोस् ।

किसमिस पानी यी समस्याहरूमा हुन्छ प्रभावकारीः

पेटको समस्या– यदि तपाईलाई कब्जियत, एसिडिटी र थकानको समस्या छ भने किसमिसको पानी निकै फाइदाजनक साबित हुन्छ । यसको नियमित सेवन गर्नाले पेटका यी समस्याबाट छुटकारा मिल्छ ।

कोलेस्ट्रोल नियन्त्रण – दिनहुँ किसमिसको पानी पिउनाले कोलेस्ट्रोलको मात्रालाई नियन्त्रण गर्न सकिन्छ । यसको अतिरिक्त, यसले शरीरमा ट्राइग्लिसराइड्सको स्तर कम गर्न पनि मद्दत गर्दछ। जसले गर्दा मुटुसँग सम्बन्धित रोगको जोखिम कम हुन्छ ।

छालालाई जवान बनाउन– हरेक बिहान किसमिसको पानी पिउनाले तपाईको छालाको चाउरीपना कम हुन्छ र साथसाथै तपाईले आफ्नो छालामा ठूलो चमक देख्नुहुनेछ। यसको दैनिक सेवन गर्नाले मेटालजिम पनि बलियो हुन्छ ।

रगत बढाउन– यदि तपाईंको हेमोग्लोबिन घटेको छ भने, तपाईंले किसमिस र यसको पानी खानुपर्छ। यसको लगातार सेवनले शरीरमा रगत बढ्न थाल्छ ।

ज्वरोमा प्रभावकारी– यदि तपाईलाई ज्वरो आएको छ भने दैनिक बिहान यसको पानी पिउनाले राम्रो फाइदा हुन्छ ।

यसरी बनाउनुहोस् किसमिसको पानीः किशमिशको पानी बनाउनको लागि एउटा प्यानमा अलिकति पानी लिनुहोस्, केही किसमिसहरू हाल्नुहोस् र कम्तिमा २० मिनेटसम्म उमाल्नुहोस्। त्यसपछि यसलाई एक गिलास पानीमा रातभर भिजाउनुहोस् र बिहान यो पानी पिउनुहोस्।