पोखरा। धौलागिरि हिमालको आधार शिविरबाट एक भरिया बेपत्ता भएका छन्। धौलागिरि आधार शिविरवाट समान पुर्‍याएर फर्किने क्रममा भरिया अमृत राई बेपत्ता भएका हुन्।

जिल्ला प्रहरी कार्यालयका अनुसार सोलुखुम्बुको दुधकुण्ड नगरपालिका– १ नुथलाका २० वर्षीय राई हिमपातमा परी बेपत्ता भएको खबर प्राप्त भए पछि खोजी कार्य जारी राखिएको छ।

धौलागिरि आधार शिविरमा सामान पुर्‍याएर फर्किने क्रममा भारी हिमपात भएको र सो हिमपातमा परी राई बेपत्ता भएको हुन सक्ने अनुमान गरिएको छ। धौलागिरि हिमालमा हिउँपहिरो गएको र सोही हिउँ पहिरोमा परी उनी बेपत्ता भएको आशंकामा खोजी कार्य जारी राखिएको छ।

शुक्रबारदेखि म्याग्दीको हिमाली क्षेत्र आसपासमा समेत हिमपात भएको थियो।