काठमाडौँ।  कुमारी बैंकले २ लाख ४० हजार १०१ कित्ता संस्थापक सेयर बिक्रीमा ल्याएको छ।

कम्पनीले संस्थापक सेयरधनी वसन्तकुमार चौधरी र राजुबहादुर श्रेष्ठको नाममा रहेको सेयर बिक्रीमा ल्याएको हो। संस्थापक सेयरधनी वसन्तकुमार चौधरीको २ लाख २३ हजार २७१ कित्ता र राजुबहादुर श्रेष्ठको १६ हजार ८३० कित्ता सेयर रहेको छ।

यस सेयरमा हाल विद्यमान सेयरधनीहरुले मात्रै आवेदन दिन पाउनेछन्। यस सेयरमा इच्छुक संस्थापक सेयरधनीहरुले ३५ दिन भित्र काठमाडौँको नक्सालस्थित कुमारी क्यापिटल र काठमाडौँको टंगालस्थित कुमारी बैंकको प्रधान कार्यालयमा खरिद आवेदन दिन सक्नेछन्।

तोकिएको अवधिभित्र संस्थापक सेयरधनीहरुबाट खरिद आवेदन नपरेको खण्डमा अन्य व्यक्ति तथा संस्थालाई उक्त सेयर बिक्री खुला गरिने बैंकले जनाएको छ।