काठमाडौं । १२ वर्षमा पहिलो पटक एप्पलले सामसुङलाई उछिन्दै स्मार्टफोन जगतमा पहिलो स्थान हासिल गरेको छ ।

इन्टरनेशनल डाटा कर्पोरेशन (आईडीसी) को तथ्याङ्क अनुसार गत वर्ष बजारमा पठाइएका सबै फोनमध्ये हरेक पाँचमध्ये एक एप्पल आईफोनहरू थिए।

सामसुङको बजार हिस्सा १९.४% थियो, त्यसपछि तेस्रो स्थानमा शाओमी र चौथो स्थानमा ओप्पो रहेको थियो ।

कोरोना महामारीपछि स्मार्टफोन बजारमा सुस्तता आएको छ ।

गत वर्ष करिब १२० करोड स्मार्टफोन बिक्री भएको आईडीसीले जनाएको छ, जुन अघिल्लो वर्षको तुलनामा तीन प्रतिशत कम हो।

यो पछिल्लो दशकमा स्मार्टफोन बिक्रीको सबैभन्दा कम संख्या हो।