एजेन्सी। मालवाहक पानी जहाजबाट अवैध रुपमा भारत प्रवेश गर्ने प्रयास गर्दा पक्राउ परेका माल्दिभ्सका पूर्व उपराष्ट्रपति अहमद अदीब अब्दुल गफूरलाई शनिबार बिहान भारतबाट फिर्ता पठाइएको छ । उनी आफ्नो देशमा भ्रष्टाचार समेत कैयौं मुद्दामा आरोपी छन् ।

पलिस सूत्रका अनुसार उनीसँग आएका जहाज चालकदलका ९ सदस्यलाई पनि अन्तर्राष्ट्रिय सीमामा माल्दिभ्को सुरक्षा बलको जिम्मा लगाइएको छ । अदीब मुद्री मार्गबाट तमिलनाडु तटमा पुगेका थिए तर उनीसँग वैध दस्तावेज नभएका कारण उनलाई प्रवेश दिइएन ।

यसअघि माल्दिभ्स पुलिसले एक बयान जारी गर्दै भनेको थियो कि अदीबमाथि सार्वजनिक सम्पत्तिको दुरुपयोग, भ्रष्टाचार र मनी लण्ड्रिङको आरोप छ । सर्वोच्च अदालतले उनलाई विदेश यात्रामा रोक लगाएको छ । विभिन्न आरोपमा सोधपुछको लागि ३१ जुलाइमा उनी पुलिसमा पेश हुनुपर्नेमा उनी फरार भएका थिए ।