काठमाडौं । इन्डियन प्रिमियर लिग (आइपीएल) २०२४ मा अहिलेसम्म कूल ५३ खेलहरू खेलिएका छन्। अहिले सम्म तीन टोली मुम्बई इन्डियन्स, पञ्जाब किंग्स र गुजरात टाइटन्स आईपीएल प्लेअफको दौडबाट बाहिरिएका छन् । प्लेअफको टिकट पाउने एक मात्र टोली कोलकाता नाइट राइडर्स हो।

मे १३ मा कोलकाता नाइट राइडर्स र गुजरात टाइटन्सबीचको खेल वर्षाका कारण रद्द भएको थियो । जसको प्रत्यक्ष हार गुजरातले बेहोरेको थियो । अहिले गुजरातको टोली बाहिरिएको छ । यस्तो अवस्थामा अहिले आइपिएल प्लेअफमा ३ स्थानका लागि कुल ६ टोलीबीच भिडन्त भइरहेको छ ।

रोयल च्यालेन्जर्स बैंगलोरको टोलीले अहिलेसम्म कुल १३ खेल खेलेको छ र त्यसको कुल १२ अंक छ। उनको नेट रन रेट ०.३८७ छ। आरसीबीले बेंगलुरुको चिन्नास्वामी स्टेडियममा मे १८ मा चेन्नई सुपर किंग्स (सीएसके) विरुद्ध खेल्ने छ।

दिल्ली क्यापिटल्स (डीसी) विरुद्धको लगातार पाँचौं जितसँगै आरसीबी अंक तालिकाको पाँचौं स्थानमा पुगेको छ। यदि बेंगलुरुको टोलीले चेन्नई सुपर किंग्सलाई हरायो भने उसको १४ अंक पुग्ने छ । यसले उसलाई प्लेअफमा पुग्ने मौका दिन सक्छ, तर यसका लागि अन्य टोलीहरूको नतिजा उसको पक्षमा जानुपर्छ।

सनराइजर्स हैदरावाद र लखनउ सुपर जायन्ट्सले २-२ खेल खेल्न बाँकी छ । उनीहरूले दुवै खेल जितेमा उनीहरू १६ अंकसम्म पुग्न सक्छन् । यदि उनीहरूले दुवै खेल जितेमा बैंगलोर आउट हुनेछ ।

आरसीबी र सीएसके बीचको खेल एक हिसाबले नकआउट हो। यदि आरसीबीले आफ्नो नेट रन-रेट सीएसके भन्दा अगाडि बनाउन चाहन्छ भने उसले खेल कम्तीमा २०० स्कोर गरेर १८ रनभन्दा बढीले जित्नुपर्नेछ ।

चेन्नई सुपर किंग्सले अहिलेसम्म जम्मा १३ खेल खेलेको छ । यी १३ खेलमा उनको खातामा १४ अंक छ । जबकि चेन्नईको रन रेट ०.५२८ छ। उनको अर्को खेल रोयल च्यालेन्जर्स बैंगलोरसँग हुनेछ ।

सीएसकेले आरसीबीलाई जितेमा उसको १६ अंक हुनेछ तर आरसीबीसँग हार्यो र १४ अंकमा रह्यो भने, चार टोली अझै अंकको आधारमा सीएसकेभन्दा अगाडि हुन सक्छन्। यसमा प्लेअफ पुगिसकेको कोलकाता, राजस्थान, हैदराबाट, र लखनउले चेन्नइलाई जित्न सक्ने अवस्था छ ।

चेन्नईको रन रेट राम्रो भएकोले अन्तिम खेलमा आरसीबीलाई हराएमा शीर्ष ४ मा सामेल हुने सम्भावना उच्च छ । यदि चेन्नईको टोली आरसीबीसँग हार्यो भने उसले हैदराबाद वा लखनउमध्ये कम्तिमा एउटा १६ अंकभन्दा कममा रोकिने आशा गर्नुपर्छ। रन रेटमाबैंगलोरभन्दा माथि रहने सुनिश्चित गर्न उसकोको हारको मार्जिन सानो हुनु आवश्यक छ।

ऋषभ पन्तको कप्तानीमा खेलिरहेको दिल्ली क्यापिटल्सको टोलीले अहिलेसम्म जम्मा १३ खेल खेलेर १२ अंक जोडेको छ । दिल्ली टोलीको रनरेट -०.४८२ छ। अरुण जेटली स्टेडियममा लखनऊ सुपर जाइन्ट्ससँग आज (१४ मे) खेल हुँदैछ।

आरसीबीसँग ४७ रनको हारले डीसीको रनरेटलाई माइनसमा धकेल्यो। यस्तो अवस्थामा दिल्लीको टोली रनरेटले धेरै तल छ। दिल्लीको टोलीले १४ अंक बनाउन सक्छ तर कम रनरेटका कारण छनोट हुन अलि गाह्रो छ ।

राजस्थान रोयल्सको अहिलेसम्म १२ आईपीएल खेल खेलेर १६ अंक छ । जबकि उसको नेट रन रेट ०.३४९ रहेको छ । राजस्थानले अब आफ्नो घरेलु मैदान जयपुरमा पञ्जाब किंग्स र कोलकाता नाइट राइडर्ससँग खेल्नुपर्नेछ।

राजस्थानको टोलीले पछिल्ला तीन खेलमा हार बेहोरेको छ । तर उसले बाँकी २ खेलमध्ये एउटै खेल जितेमा प्लेअफमा पुग्नेछ र दुवै जितेमा शीर्ष स्थानमै पुग्नेछ ।

सनराइजर्स हैदरावादले १२ खेल खेलेर १४ अंक जोडेको छ । उनको नेट रन रेट ०.४०६ छ। यसका दुई खेल गुजरात टाइटन्स र पञ्जाब किंग्स विरुद्ध छन्, जो आईपीएलबाट बाहिरिएका छन्। सनराइजर्सले यी दुवै खेल आफ्नो घरेलु मैदान हैदरावादमा खेल्नुपर्नेछ ।

हैदराबादले आफ्ना दुबै खेल जित्यो भने यो शीर्ष २ टोली पनि बन्न सक्छ। तर यदि उसले दुवै खेल हारेको अवस्थामा भने समस्यामा पर्न सक्छ किनकि चेन्नइ र बैंगलोर दुवै रनरेटमा ऊभन्दा अगाडि हुन सक्छन्।

लखनउ सुपर जाइन्ट्स (एलएसजी) ले १२ खेल खेलेर मात्र १२ अंक जोडेको छ । लखनऊ टोलीको रन रेट -०.७६९ छ। उसले दिल्ली क्यापिटल्स र मुम्बई इन्डियन्ससँग दुई खेल खेल्नुपर्नेछ । एलएसजीको कमजोर र नेगेटिभ नेट रन रेटका कारण ऊ प्लेअफमा पुग्न गाह्रो छ । चेन्नइ र हैदराबादले १६ अंक बनाएमा रनरेटमा लखनउलाई उछिन्न सक्छन् ।