भक्तपुर। भक्तपुर जिल्ला फुटबल संघ (एन्फा) को आयोजनामा भक्तपुरमा भक्तपुर जिल्ला लिग सुरु भएको छ। प्रतियोगिताको बागमती प्रदेशका सांसद् सुरेश श्रेष्ठले एक समारोहबीच उदघाटन गरे।

प्रतियोगिता असार १ गतेसम्म चल्ने एन्फा भक्तपुरका अध्यक्ष रुपेश धौबञ्जारले जनाए। उनका अनुसार प्रतियोगितामा ९ वटा टिमहरुको सहभागिता रहेको छ। प्रतियोगितामा २० वटा म्याचहरु हुने छन्। खेल प्रतियोगिता प्रत्येक दिन साँंझ ४ बजे भक्तपुर नगरपालिका वडा नं १ दूधपाटीस्थित भक्तपुर बहुमुखी क्याम्पसको फुटबल मैदानमा भइरहेको छ।