काठमाडाैं। निर्वाचन आयोगको आयुक्तमा सिफारिस भएका कृष्णमान प्रधानको सुनुवाई केही दिनका लागि रोकिएको छ।

सिंहदरबारमा बिहीबार बसेको संसदीय सुनुवाई समितिले उजुरीकर्तासँग छलफल गरेपछि सुनुवाईका लागि थप समय लिने निर्णय गरेको समिति सभापति पशुपतिशम्सेर जवराले जानकारी दिए।

प्रधानबिरुद्ध चार वटा उजुरी परेकोमा समितिले बिहीबार उजुरीकर्तासँग छलफल गरेको थियो। उजुरीकर्ताको आग्रहमा गोपनीयता कायम गरि गरिएको छलफलका क्रममा गम्भीर बिषयहरु उठेकाले त्यसमा अध्ययन गर्न थप समय लिने र त्यसपछिमात्रै सुनुवाई गर्ने सभापति जवराले बताए।

प्रधानबिरुद्ध यौन दुव्र्यवहार लगाएतका उजुरी परेका छन्। संवैधानिक परिषद्को बैठकले प्रधानलाई निर्वाचन आयोगको आयुक्तमा सिफारिस गरेको थियो।