काठमाडौं । विवादित मेडिकल व्यवसायी दुर्गा प्रसाईंमाथि अनुसन्धानका लागि अदालतले थप पाँच दिनको अनुमति दिएको छ। जिल्ला अदालत काठमाडौंले अनुसन्धानका लागि शुक्रबार ५ दिन म्याद थप्न अनुमति दिएको हो।

प्रसाईं साइबर अपराधको कसूरमा मंसिर ५ गतेदेखि प्रहरी हिरासतमा छन्। उनीमाथि प्रधानमन्त्री केपी शर्मा ओलीविरुद्ध अफवाह फैलाएको आरोप छ।

प्रहरीले प्रसाईंमाथि विद्युतीय अपराध नियन्त्रण ऐन, २०६३ विपरीतको कसुर गरेको आरोपमा अनुसन्धान गरिरहेको छ।