काठमाडौं । भोलि उपचुनाव हुने पालिका र वडामा मतदानका लागि सार्वजनिक बिदा हुने भएको छ। सम्बन्धित पालिका र वडाले सूचना जारी गर्दै बिदा दिने जानकारी दिएका छन्।

पालिका र वडाभित्र निजी क्षेत्रबाट सञ्चालित औद्योगिक, शैक्षिक वा अरु प्रतिष्ठानमा पनि बिदा दिन भनिएको छ।

यसअघि निर्वाचन आयोगले पालिकाको उपचुनावका लागि सम्बन्धित पालिकाहरुमा सार्वजनिक बिदा दिन आग्रह गरेको थियो।