काठमाडौं । अमेरिकी राष्ट्रपति डोनाल्ड ट्रम्पले चिनियाँ राष्ट्रपति सी जिनपिङसँग कुरा गर्न सक्छन्। यो कुराकानी आगामी २४ घण्टामा हुन सक्छ।

ह्वाइट हाउसकी प्रेस सेक्रेटरी क्यारोलिन लेभिटले फक्स न्यूजमा यो जानकारी दिएकी छिन्। चीनमाथि लगाइएको करको बारेमा ट्रम्पले सी जिनपिङसँग कुरा गर्न सक्ने बुझिएको छ।

ट्रम्पले चिनियाँ सामानको आयातमा दश प्रतिशत थप कर लगाउने घोषणा गरेका छन्। यो शुल्क मंगलबारदेखि लागू हुँदैछ।

चीनले अमेरिकाको यो कदमविरुद्ध विश्व व्यापार संगठनमा मुद्दा दायर गर्न सक्ने बताएको छ।

अमेरिकाले मेक्सिको र क्यानडामा २५-२५ प्रतिशत र चीनमा १० प्रतिशत भन्सार शुल्क लगाउने घोषणा गरेको थियो।

तर मेक्सिको र क्यानडामा कर लगाउने निर्णय एक महिनाको लागि स्थगित गरिएको छ।