काठमाडौं। गायक हसन राई र चर्चित गायिका तथा द भ्वाइस अफ नेपाल सिजन ६ की प्रतिस्पर्धी इन्द्रकला राईको स्वरमा ‘पैसाकी बैस’ बोलको गीत सार्वजनिक भएको छ। यो गीत लुङ्टो क्रियशन युट्युव च्यानल मार्फत सार्वजनिक भएको हो।

द भ्वाइस अफ नेपाल सिजन ६ कै अर्का प्रतिस्पर्धी चर्चित गायक तथा संगीतकार रोशन राईको यस गीतमा शब्द तथा संगीत रहेको छ । सागर सन्सार राईको एरेञ्ज रहेको गीतलाई किश्वर थापाले मिक्सिङ मास्टरिङ गरेका हुन्।

‘पैसाकी बैस’ गीतको म्युजिक भिडियोमा रियल जोडी जिवन भट्टराई र लक्ष्मी बर्देवाको अभिनय देख्न सकिन्छ। जीवन र लक्ष्मीले नै निर्देशन गरेको म्युजिक भिडियोमा उनिहरुको रोमान्ससँगै गाउँले जीवनसहितको प्रेमपनि देख्न सकिन्छ। बुद्ध थापाले खिचेको म्युजिक भिडियोलाई बिष्णु खड्काले सम्पादन गरेका छन्।

गायक हसन राईले अहिले सम्मय करिव २ दर्जन गीतहरु रेकर्ड गरिसकेका छन्। आधा दर्जन गीतको म्युजिक भिडियोमा मोड्लिङपनि गरिसकेका छन्। धरान सुरसाझ कलाकेन्द्र, अलंकार म्युजिक एकेडेमीमा बिनोद प्रियदर्शीसँग संगीत सिकेका हसन पाश्र्व गायनमापनि मोह राख्छन्।