काठमाडौं । हाल देशभर मनसुनी वायुको सक्रिय प्रभाव जारी रहेको छ।

यसको प्रत्यक्ष असरस्वरूप बुधबार रातिदेखि काठमाडौं उपत्यकामा पनि वर्षा भइरहेको छ। बुधबारदेखि काठमाडौंसहित ललितपुर, भक्तपुर र छिमेकी जिल्लाहरूमा लगातार वर्षा भइरहेको हो।

रातिदेखि सुरु भएको झरी बिहीबार पनि जारी छ। वर्षाका कारण उपत्यकाका विभिन्न स्थानहरूमा सडक जलमग्न भएका छन्। कतिपय सडक डुबानमा परेका छन्।