काठमाडौं । इरानका सर्वोच्च नेता अयातोल्लाह अली खामेनीले इरानको “आणविक हतियार विकास गर्ने कुनै मनसाय छैन” तर “युरेनियम संवर्धन भने नरोक्ने” बताएका छन्।

बीबीसी उर्दूका अनुसार इरानी रेडियो र टेलिभिजनमा प्रसारित भाषणमा खामेनीले तीन कुरामा जोड दिए: इरानी राष्ट्रको एकता, युरेनियम संवर्धन र अमेरिकासँगको सम्बन्ध।

उनले भने, “अमेरिकासँग वार्ता गर्नुको कुनै फाइदा छैन, बरु हानिकारक छ।” खामेनीले भने, “धम्की पाएपछि कुनै पनि देशले वार्ता गर्दैन।”

इरानको आणविक उद्योग र संवर्धन रोक्ने सम्बन्धमा अमेरिकी भनाइलाई उल्लेख गर्दै खामेनीले भने कि इरानका जनताले यस्ता कुरा गर्ने कसैलाई पनि सहने छैनन्।

उनले जोड दिए कि इरानसँग न त आणविक हतियार छ न भविष्यमा विकास गर्नेछ।