काठमाडौं । अमेरिकी रक्षा मन्त्रालय पेन्टागनले आइतबार इरानी ड्रोन आक्रमणमा मारिएका छ अमेरिकी सैनिकमध्ये चार जनाको पहिचान गरी तस्बिरहरू जारी गरेको छ।

ती सैनिकहरूमा क्याप्टेन कोडी खोर्क (३५), सार्जेन्ट फर्स्ट क्लास नोआ टिएटजेन्स (४२), सार्जेन्ट फर्स्ट क्लास निकोल अमोर (३९) र सार्जेन्ट डेक्लान कोडी (२०) छन्।

चारै जना सैनिकहरूलाई आयोवामा रहेको आर्मी रिजर्भ सस्टेनमेन्ट युनिट, १०३ औं सस्टेनमेन्ट कमान्डमा खटाइएको थियो, जसले खाना, इन्धन, पानी, गोला बारुद, यातायात उपकरण र आपूर्तिहरू प्रदान गर्दछ।

आइतबारको आक्रमणमा मारिएका अन्य दुई अमेरिकी सैनिकको पहिचान अझै सार्वजनिक गरिएको छैन। कुवेतको पोर्ट शुआइबामा रहेको कमाण्ड सेन्टरमा ड्रोनले प्रहार गर्दा उनीहरू मारिएका हुन्।

एपी रिपोर्ट अनुसार, सेना सचिव डेनियल ड्रिस्कोलले भने, “यी सबै पुरुष र महिलाहरूले हाम्रो देशको रक्षा गर्न साहसपूर्वक स्वयम्सेवा गरे, र उनीहरूको बलिदान कहिल्यै बिर्सने छैन।”

राष्ट्रपति डोनाल्ड ट्रम्पले मृत्युको बारेमा भने, “दुःखको कुरा, यो समाप्त हुनुभन्दा पहिले धेरै हुनेछन्। त्यस्तै हुन्छ।”