काठमाडौं । क्यानडा पठाइदिन्छु भन्दै ठगी गरेको आरोपमा महिला पक्राउ परेकी छन्। वैदेशिक रोजगारमा आकर्षक तलबको प्रलोभनमा पारी क्यानडा पठाइदिन्छु भन्दै रकम ठगी गरेको आरोपमा कञ्चनुर भीमदत्त नगरपालिका-१८ घर भई काठमाडौं महानगरपालिका-९ बस्ने ५१ वर्षीया गीता भण्डारीलाई आइतबार प्रहरीले पक्राउ गरेको हो।

गीताले क्यानडा पठाइदिन्छु भन्दै ५ जना पीडितबाट २७ लाख रुपैयाँ लिई सम्पर्कविहीन भएको भन्ने पीडितहरूको उजुरीका आधारमा काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले उनलाई काठमाडौं महानगरपालिका-९ बाट पक्राउ गरेको हो।

उनलाई आवश्यक अनुसन्धान तथा कारबाहीका लागि वैदेशिक रोजगार विभाग पठाइएको छ।