काठमाडौं। प्रतिनिधिसभा अन्तर्गतका १० विषयगत र २ वटा संयुक्त गरी कुल १२ वटा संसदीय समितिको नेतृत्व चयन प्रक्रिया सम्पन्न भएको छ।

शुक्रबार सिंहदरबारमा बसेको सम्बन्धित समितिका बैठकहरूले आ-आफ्ना सभापतिहरूलाई निर्विरोध निर्वाचित गरेका हुन्।

गएको चैत २७ गते प्रतिनिधिसभाले समितिका सदस्यहरू चयन गरेसँगै रिक्त रहेका नेतृत्वका लागि बिहीबार मनोनयन दर्ता भएको थियो। प्रतिनिधिसभामा एकल बहुमत रहेको राष्ट्रिय स्वतन्त्र पार्टी (रास्वपा) ले अधिकांश समितिको नेतृत्व पाएको छ भने प्रमुख प्रतिपक्षी दल नेपाली कांग्रेसले सार्वजनिक लेखा समितिको नेतृत्व सम्हालेको छ।

नवनिर्वाचित सभापतिहरूको नामावली

नवनिर्वाचित सभापतिहरू र उनीहरूले नेतृत्व गर्ने समितिहरूको विवरण यस प्रकार छ:

भर्खरै सम्पन्न निर्वाचनमा बहुमत प्राप्त गरेको रास्वपाले संसदीय समितिहरूमा पनि आफ्नो पकड बलियो बनाएको छ। संसदीय प्रणालीको परम्पराअनुसार ‘वाचडग’ मानिने सार्वजनिक लेखा समितिको सभापति भने प्रतिपक्षी दल नेपाली कांग्रेसलाई दिइएको छ।

अबको कार्यभार संसदीय समितिहरूले नेतृत्व पाएसँगै अब संसदमा विचाराधीन रहेका विधेयकहरूमाथिको दफावार छलफल र सरकारका कामकारबाहीको निगरानीले गति लिने अपेक्षा गरिएको छ।

शुक्रबार सभापति चयन भएसँगै १२ वटा समितिका सभापतिहरुले सभामुख डीपी अर्याल समक्ष सपथ ग्रहण गरेका हुन्।