इलाम । इलामको देउमाई नगरपालिका-८, रत्नचौतारास्थित मंगलबारे–बिर्तामोड भित्री सडकखण्डमा आज बिहान जीप दुर्घटना हुँदा चालकसहित ३ जना घाइते भएका छन्।

शुक्रबार बिहान करिब ८:३५ बजे मंगलबारेबाट बिर्तामोडतर्फ जाँदै गरेको मे १ ज ३३३३ नम्बरको जीप आफैँ अनियन्त्रित भई सडकबाट करिब २०० मिटर तल खसेको प्रहरीले जनाएको छ।

दुर्घटनामा परी घाइते हुनेहरूमा जीप चालक ३६ वर्षीय उत्तम खड्का, ६८ वर्षीया कोकिला दवाडी र ६० वर्षीय प्रेममणि आचार्य रहेका छन्। प्रहरीका अनुसार घाइतेहरूको अवस्था मध्यम रहेको छ। उनीहरूलाई थप उपचारका लागि झापाको बिर्ता सिटी अस्पताल पठाइएको छ।

घटनाका सम्बन्धमा थप अनुसन्धान भइरहेको प्रहरीले जनाएको छ।