काठमाडौं । देशका विभिन्न स्थानमा पाँच जनाको शव फेला परेको छ।

काठमाडौं महानगरपालिका-३२ तिनकुनेस्थित झाडीमा पहिचान नखुलेका अन्दाजी ३५ वर्षीय पुरूष शुक्रबार मृत अवस्थामा फेला परेका छन्।

कैलालीको धनगढी उपमहानगरपालिका-२ स्थित अछाम होटलमा बैतडी पाटन नगरपालिका-३ बोहरीगाउँ बस्ने ४० वर्षीय भुवन प्रसाद भट्ट शनिबार मृत अवस्थामा फेला परेका छन्।

बर्दियाको गुलरिया नगरपालिका-५ बालापुर बस्ने ३६ वर्षीय राज कुमार थारू सोही नगरपालिका-११ बाधापुरवास्थित भादा नदीको किनारमा शनिबार मृत अवस्थामा फेला परेका छन्।

झापाको बिर्तामोड नगरपालिका-१ स्थित लिंकन कलेज पछाडिको बाँसघारीमा कनकाई नगरपालिका-३ बस्ने ३५ वर्षीय अशोक कँडेल शनिबार मृत अवस्थामा फेला परेका छन्।

चितवनको भरतपुर महानगरपालिका-१ नारायणी नदीमा काठमाडौं महानगरपालिका-६ सरस्वती नगर बस्ने ५९ वर्षीय वामदेव शर्मा अधिकारी शनिबार मृत अवस्थामा फेला परेका छन्। यस सम्बन्धमा प्रहरीले आवश्यक अनुसन्धान गरिरहेको जनाएको छ।