काठमाडौँ। केही वर्षअघिसम्म घरका लागि टेलिभिजन, रेफ्रिजरेटर वा वासिङ मेसिन किन्दा ग्राहकको पहिलो प्रश्न प्रायः एउटै हुन्थ्यो—“सबैभन्दा सस्तो कुन हो?” तर आज उपभोक्ताको प्रश्न र प्राथमिकता फेरिएको छ।

“मेरो परिवारका लागि उपयुक्त कुन हो?”, “बिजुली कति बचाउँछ?”, “वारेन्टी कति छ?” र “बिग्रिएमा सेवा कहाँ पाइन्छ?” जस्ता विषयले अहिले खरिद निर्णयलाई मुख्य दिशा दिन थालेका छन्।

नेपाली उपभोक्ताको यही परिपक्व सोचसँगै घरायसी विद्युतीय सामग्री किन्ने प्रक्रिया केवल मूल्य हेरेर सामान उठाउने चरणबाट धेरै अगाडि बढेको छ। उपभोक्ताले अब गुणस्तर, प्रविधि, ऊर्जा खपत, क्षमता, वारेन्टी, आधिकारिक बिक्री केन्द्र र बिक्रीपछिको सेवासमेत मसिनो गरी तुलना गरेर मात्र निर्णय गर्न थालेका छन्।

२८ भन्दा बढी शोरूमबाट परामर्श र छनोटको सुविधा

उपभोक्ताको यस बदलिँदो प्रवृत्तिको प्रत्यक्ष झलक देशभर रहेका २८ भन्दा बढी ‘सिजी डिजिटल’ (CG Digital) तथा ‘एलजी ब्रान्ड शप’ (LG Brand Shop) मा देख्न सकिन्छ।

यी शोरूमहरूमा ग्राहकले विभिन्न स्थापित ब्रान्डका मोडलहरू एउटै छानामुनि हेर्न, प्रयोगको प्रत्यक्ष अनुभव लिन र आफ्नो आवश्यकता एवं बजेटअनुसार विज्ञ परामर्श पाउन सक्छन्। यही कारण सिजी डिजिटलका शोरूमहरू केवल बिक्रीस्थल मात्र नभई सही उत्पादन छनोट गर्ने भरपर्दो परामर्श केन्द्रका रूपमा स्थापित हुँदै गएका छन्।

बहुब्रान्ड र अन्तर्राष्ट्रिय उत्पादनहरूको विशाल शृङ्खला

सिजी डिजिटलको सञ्जालमा टेलिभिजन, अडियो सिस्टम, रेफ्रिजरेटर, वासिङ मेसिन, एयर कन्डिसनर, एयर कुलर, फ्यान, माइक्रोवेभ ओभन, भान्साका उपकरण, वाटर प्युरिफायर, भ्याकुम क्लिनर र साना घरायसी सामग्रीका साथै स्मार्ट उपकरणहरू उपलब्ध छन्।

यहाँ एलजी , सिजी , टिसीएल, गोडरेज , मिडिया , क्रोम्पटन , बेको , सेन्सेई, केन्ट , एलिसा , सिजी मेरिटिया , ब्ल्याक प्लस डेकर , गुडम्यान्स  र बर्ली जस्ता विश्वस्तरीय ब्रान्डहरू उपलब्ध छन्। साथै, नथिङ , मोटोरोला र एआई प्लस ्र जस्ता ब्रान्डका मोबाइल तथा स्मार्ट उपकरणहरू पनि ग्राहकका लागि सजिलै उपलब्ध छन्।

एउटै छानामुनि धेरै ब्रान्ड हुनुको अर्थ विकल्प धेरै हुनु मात्र होइन। यसले ग्राहकलाई आफ्नो परिवारको आकार, दैनिक प्रयोग र जीवनशैलीअनुसार क्षमता, प्रविधि तथा ऊर्जा दक्षता तुलना गरेर सही सामान छनोट गर्ने अवसर प्रदान गर्छ।

दुई जनाको परिवार र ठूलो संयुक्त परिवार वा सातामा एक पटक मात्र कपडा धुने र दैनिक प्रयोग गर्ने परिवारको आवश्यकता फरक हुने भएकाले, सही परामर्शले ग्राहकको अनावश्यक खर्च जोगाउँछ।

बजेटभन्दा अगाडि आवश्यकताको पहिचान

काठमाडौँमा नयाँ घर सरेको एक चार सदस्यीय परिवारको अनुभवले पनि यो बदलिँदो प्रवृत्तिलाई पुष्टि गर्छ। सुरुमा सामाजिक सञ्जाल र अनलाइनमा उपलब्ध छुट तथा मूल्य मात्रै हेरेर सामान किन्न खोजेको उक्त परिवार शोरूम पुगेपछि बिक्री परामर्शदाताको सहयोगमा सही निर्णयमा पुग्न सफल भयो।

बिक्री परामर्शदाताले सुरुमै मूल्य सोध्नुको सट्टा परिवारको सदस्य सङ्ख्या, प्रयोगको तरिका, भान्साको ठाउँ र भविष्यको आवश्यकता बुझेर उपयुक्त मोडल सिफारिस गरे।

वासिङ मेसिनमा केवल किलोग्राम क्षमता मात्र नभई वास प्रोग्राम, पानीको खपत, मोटर वारेन्टी र सञ्चालन सहजता बुझेपछि परिवारले सबैभन्दा कम मूल्यको सट्टा दिगो र उपयोगी सामान छनोट गर्यो। यसले के स्पष्ट पार्छ भने—सबैभन्दा सस्तो सामान किन्नु र सही मूल्यमा सही सामान किन्नु फरक कुरा हो।

बिक्रीपछिको गुणस्तरीय सेवा र दीर्घकालीन विश्वास

विद्युतीय सामग्रीको वास्तविक अनुभव सामान खरिद गरेपछि सुरु हुन्छ। सामानको सही जडान, सुविधाहरूको सही प्रयोग, स्पष्ट वारेन्टी र समस्या पर्दा पाइने सहज सहयोगले नै ब्रान्डप्रतिको दीर्घकालीन विश्वास कायम गर्छ।

सिजी डिजिटल तथा सिजी इलेक्ट्रोनिक्सले बिक्रीपछिको सेवालाई थप व्यवस्थित बनाएको छ। ग्राहकका लागि अनलाइन उत्पादन दर्ता, सेवा अनुरोध, मर्मत अवस्थाको ट्र्याकिङ तथा नजिकैको सेवा केन्द्र खोजी गर्ने सुविधा उपलब्ध गराइएको छ।

वारेन्टी अवधिभित्र आधिकारिक प्राविधिकहरूबाट मर्मत सेवाका साथै परामर्शका लागि टोल-फ्री नम्बर र अन्य सम्पर्क माध्यमहरू सञ्चालनमा रहेका छन्।

आजको सचेत नेपाली उपभोक्ता केवल भारी छुटको पछाडि नदौडी सही जानकारी, गुणस्तरीय उत्पादन र बिक्रीपछिको भरपर्दो सेवा खोजिरहेको छ। यही सोचका कारण नेपालको इलेक्ट्रोनिक्स बजार पनि केवल मूल्यको होडबाजीबाट माथि उठेर विश्वास, ग्राहक अनुभव र दीर्घकालीन सेवाको प्रतिस्पर्धातिर अगाडि बढिरहेको छ।