काठमाडौं । टेलिभिजन अभिनेत्री तथा ‘लक अप’ फेम आकांक्षा चमोला अक्सर ट्रोलर्सको निशानामा पर्ने गर्छिन्। श्रीमान् गौरव खन्नासँग राष्ट्रिय टेलिभिजनमा सम्बन्धविच्छेदको घोषणा गरेपछि आकांक्षाले निकै आलोचना र गालीगलौज सहनुपरेको थियो।

अर्कातर्फ, गौरवसँग वैवाहिक सम्बन्धमा छँदै आकांक्षाले आफ्नो वेब सिरिज ‘दिल, धोखा और डिजायर’ मा निकै बोल्ड र इन्टिमेट दृश्यहरू दिएकी थिइन्। अभिनेत्रीका ती इन्टिमेट दृश्यहरूलाई लिएर ठूलै विवाद मच्चिएको थियो। मानिसहरूले यसलाई ‘सफ्ट पोर्न’ सम्म भनेका थिए। कैयौँ मानिसहरूले आकांक्षामाथि ‘भाभी पोर्न’ गरेको आरोपसमेत लगाएका थिए।

अभिनेत्रीले अब यी ट्रोलिङमाथि आफ्नो मौनता तोडेकी छन्। ‘म्यासेबल इन्डिया’ सँगको कुराकानीमा आकांक्षालाई मानिसहरूका आरोपबारे प्रश्न गरिएको थियो। उनलाई ‘पैसाका लागि बी-ग्रेड शोमा काम गरेको र भाभी पोर्न गरेको आरोप छ नि?’ भनी सोधिएको थियो।

यी आरोपहरूमाथि टिप्पणी गर्दै अभिनेत्रीले भनिन्— “तर मेरो शो कसले हेरिरहेको छ त? यो नम्बर वान कसरी बन्यो? मेरो शो कसरी चल्यो त?” आकांक्षाले अगाडि व्यङ्ग्यात्मक शैलीमा भनिन्— “मलाई अभिनय (परफर्म) गर्न भनिएको थियो, मैले कति राम्ररी परफर्म गरेर देखाइदिएँ।”

आकांक्षाले आफ्नो शो पोर्न नभएको दाबी गरिन्। कसैले भन्दैमा आफ्नो शो बी-ग्रेड नहुने र आफूले यस्ता शोहरू अझै गर्ने उनले बताइन्। अभिनेत्रीले थप भनिन्— “पुरुषले पर्दामा रोमान्स गर्दा चाहिँ त्यो सभ्यताविरुद्ध नहुने हो र? महिलाले पनि त अभिनय नै गरिरहेकी हुन्छिन्, महिलाले त्यहाँ आनन्द लिइरहेकी हुँदैनन्। म त केवल अभिनय गरिरहेकी थिएँ।”

“भारतको सभ्यताको ठेक्का मैले एक्लैले लिएकी छैन। सरकारले यी सब कुरामा प्रतिबन्ध लगाइदिन्छ भने हामी गर्दैनौँ। दर्शकहरूले पनि यस्ता सामग्री हेर्न छाडिदिऊन्,” उनले थपिन्।

उल्लेखनीय छ कि आकांक्षा चमोलाले सन् २०१६ मा गौरव खन्नासँग विवाह गरेकी थिइन्। तर उनी सन्तान जन्माउने पक्षमा थिइनन्। करिब १० वर्षपछि ‘लक अप’ मा उनले गौरवसँग वैवाहिक सम्बन्ध अन्त्य गर्ने घोषणा गरेर सबैलाई चकित पारेकी हुन्। हाल उनी सिङ्गल लाइफ उपभोग गरिरहेकी छन्।