काठमाडौं । काठमाडौं जिल्ला अदालत परिसरमा धरौटीमा छुटाइदिने भन्दै रकम लेनदेन गरिरहेका दुई जनालाई प्रहरीले पक्राउ गरेको छ। पक्राउ पर्नेहरूमा नुवाकोटका अजय थापा मगर र हरिराम गिरी रहेका छन्।

उनीहरूले लागुऔषध मुद्दाका प्रतिवादी विमल घलेलाई धरौटीमा छुटाइदिने प्रलोभन दिएर उनकी पत्नीबाट ४ लाख ७९ हजार रुपैयाँ लिइरहेका थिए।

अदालत परिसरभित्रै रकम लेनदेन भइरहेको अवस्थामा उनीहरूलाई नियन्त्रणमा लिइएको अदालत प्रशासनले जनाएको छ। पक्राउ परेका दुवै जनामाथि थप अनुसन्धान भइरहेको छ।