काठमाडौं। काठमाडौं उपत्यकामा पछिल्लो २४ घण्टाको अवधिमा विभिन्न ट्राफिक नियम उल्लंघन गर्ने १८१ जना सवारीसाधनका चालक कारबाहीमा परेका छन्।

काठमाडौं उपत्यकाका विभिन्न स्थानमा ट्राफिक प्रहरीले सञ्चालन गरेको नियमित चेकिङ तथा अनुगमनका क्रममा आइतबार बिहानसम्म ती चालकहरूलाई कारबाही गरिएको हो।

ट्राफिक प्रहरीका अनुसार कारबाहीमा पर्नेहरूमा मादक पदार्थ सेवन (मापसे) गरी सवारीसाधन चलाउने ४२ जना चालक रहेका छन्। यसैगरी, सीसीटीभी क्यामेराको निगरानीमार्फत नियम उल्लंघन गर्ने ४९ जना र रातो बत्तीको इसारा उल्लंघन गर्ने १५ जना चालकलाई कारबाही गरिएको छ।

त्यस्तै, यान्त्रिक अवस्था ठिक नभएको सवारीसाधन चलाउने १ जना र अन्य विविध ट्राफिक नियम उल्लंघन गर्ने २३ जना चालकलाई नियन्त्रणमा लिई कारबाही गरिएको ट्राफिक प्रहरी महाशाखाले जनाएको छ।