काठमाडौं । यमनको सशस्त्र बलले आइतबार बिहान घोषणा गर्दै राजधानी साना र सादामा हुती विद्रोहीहरूबिरुद्ध आक्रमण गरिरहेको जनाएको छ। सादा यमनमा हुतीहरूको मुख्य अखडा मानिन्छ। यमनको सेना अन्तर्राष्ट्रिय स्तरमा मान्यता प्राप्त यमन सरकारको समर्थनमा काम गर्छ।

बीबीसी न्यूज फारसीका अनुसार सेनाका एक प्रवक्ताले समाचार एजेन्सी रोयटर्सलाई बताए अनुसार सैन्य बलहरूले ‘महत्त्वपूर्ण लक्ष्यहरू’लाई निशाना बनाइरहेका छन्। यद्यपि, प्रवक्ताले यी आक्रमणहरूबारे थप विस्तृत जानकारी भने दिएका छैनन्।

यसअघि यमनको हुती समर्थित अल-मसिराह टीभीले सानामा भएको आक्रमणको समाचार प्रसारित गरेको थियो। ती आक्रमणहरू साउदी अरबका तर्फबाट गरिएको दाबी गरिएको थियो। साउदी अरबले भने हालसम्म यी समाचारहरूको पुष्टि गरेको छैन।

यमनमा इरान समर्थित हुती विद्रोहीहरू र साउदी अरब समर्थित सरकारसँग सम्बद्ध सेनाबिचको लडाइँ सन् २०२२ मा भएको युद्धविरामपछि काफी हदसम्म रोकिएको थियो, तर इरान-अमेरिका द्वन्द्वबाट सिर्जित तनावका कारण यो अहिले पुनः सुरु भएको छ।