काठमाडौं । रुस र युक्रेनबीच एक निश्चित क्षेत्रमा युद्धविराम सुरु भएको छ। यसको पुष्टि युक्रेन र अमेरिका दुवै पक्षले गरेका छन्।

अमेरिकाकी प्रथम महिला मेलानिया ट्रम्पले ‘एक्स’ मा लेखेकी छन्, ‘युक्रेन र रुसबीचको युद्धविराम २७ अक्टोबर २०२६ मा मस्को समयअनुसार बिहान ४ बजेदेखि लागू भएको छ।’

उनले अगाडि लेखेकी छन्, ‘नागरिकहरूको सुरक्षा सुनिश्चित गर्न र अत्यावश्यक मानवीय सहायता पुर्‍याउन सहयोग पुगोस् भन्नका लागि यसलाई तय गरिएको समयभन्दा दुई दिनअगावै लागू गरिएको हो।’

‘मानवीय सहायता सामग्री बोकेका गाडीहरूलाई सुरक्षित मार्ग प्रदान गर्न युद्धविरामको भौगोलिक दायरा खेरसन क्षेत्रको ओलेस्कीभन्दा अगाडिसम्म बढाइएको छ। रुसी सशस्त्र बलका जनरल स्टाफ प्रमुख जनरल भलेरी गेरासिमोभले यसको पुष्टि गरेका छन्।’

यसैबीच, युक्रेनी संसदीय आयुक्त (पार्लियामेन्ट्री कमिश्नर) दिमित्रो लुबिनेट्सले पनि यसको पुष्टि गर्दै दुवै पक्षबाट युद्धविराम उल्लङ्घनको कुनै पनि घटना दर्ता नभएको बताएका छन्।