काठमाडौं। दुई दिने औपचारिक भ्रमणका क्रममा नेपालमा रहेका भारतीय विदेश सचिव विक्रम मिश्रीले बिहीबार बिहान सिंहदरबारस्थित प्रधानमन्त्री तथा मन्त्रिपरिषद्को कार्यालयमा प्रधानमन्त्रीसँग शिष्टाचार भेटवार्ता गरेका छन्।

भेटका क्रममा नेपाल र भारतबीचको सदियौँ पुराना ऐतिहासिक द्विपक्षीय सम्बन्धलाई थप सुदृढ, फराकिलो र परिणाममुखी बनाउने विषयमा गहन छलफल भएको छ।

भेटघाटका क्रममा विदेश सचिव मिश्रीले भारत सरकारका तर्फबाट नेपालको आर्थिक विकास, पूर्वाधार निर्माण र समृद्धिमा निरन्तर सहयोग र सहकार्य रहने प्रतिबद्धता दोहोर्‍याएका छन्।

भेटमा दुई देशबीचको आपसी हित, ऊर्जा सहकार्य, सीमापार कनेक्टिभिटी, व्यापार facilitation तथा सांस्कृतिक सम्बन्धका विविध आयामबारे सकारात्मक कुराकानी भएको प्रधानमन्त्रीको सचिवालयले जनाएको छ।