सन्धिखर्क । ट्याक्टरले  ठक्कर दिँदा अर्घाखाँचीमा  एक बालकको ज्यान गएको छ । ट्याक्टरले ब्याक गर्ने क्रममा  ठक्कर दिँदा भूमिकास्थान नगरपालिका जगता घर भई हाल सन्धिखर्क  डेरा गरी बस्ने गीता थापाको ७ वर्षीय छोरा गोकुल थापाको मृत्यु भएको हो ।

सन्धिखर्क नगरपालिका१ रतलेमा  शनिबार दिउँसो लु.३ त १८१८ नम्बरको  ठक्करबाट गम्भीर घाइते भएका गोकुललाई जिल्ला अस्पताल सन्धिखर्क हुँदै थप उपचारको लागि चौराहा अस्पताल बुटवल पठाइएको थियो । उनको उपचारको क्रममा अस्पतालमा मृत्यु भएको हो।

ट्याक्टर र चालकलाई प्रहरीले नियन्त्रणमा लिएको छ ।