काठमाडौं। कसैप्रति भरोसा गर्नु वा कसैसँग सम्बन्ध जोड्ने काम निकै सावधानीसँग गर्नुपर्छ। किनभने सानो लापरवाहीले पनि जीवनभर दुख हुन सक्छ।

हाम्रो धर्म शास्त्रमा पनि यस्तो नीति नियम बनाइएको छ, जसले जीवनमा विपरित परिस्थितिमा हामीलाई सही बाटो देखाउन सहयोग गर्छ। देवी भागवत महापुराण देवी दुर्गामा आधारित सबैभन्दा महत्वपूर्ण ग्रन्थ हो।

यसमा देवी भगवतीका सबै अवतार र चमत्कारका विषयमा वर्णन गरिएको छ। या महापुराणमा भगवतीले यस्ता ६ मानिसका बारेमा बताएकी छन्, जोसँग कहिल्यै भरोसा गर्नु  हुँदैन। यी मानिस हाम्रो जीवनमा समस्याको कारण बन्न सक्छन्।

लोभी मानिस
लोभी मनुष्य सबैभन्दा ठूलो दुश्मन हुन्छ। लोभी मानिस कसैको पनि भरोसा योग्य हुँदैन। लोभी मानिस आफ्नो फाइदाका लागि कसैलाई पनि धोका दिन सक्छ। यस्ता मानिस धर्म वा अधर्मको बारेमा सोच्दैनन्। यस्ता मानिस आफ्नो स्वार्थ पूरा गर्न जुन हदसम्म पनि जान सक्छन्। त्यसकारण लोभी मानिसबाट टाढै बस्नुपर्छ।

द्वेष वा जलनको भावना राख्ने मानिस
जो मनुष्य अरुप्रति आफ्नो मनमा जलन वा द्वेषको भावना राख्छन्, त्यस्ता मानिस छलकपट गर्ने, पापी धोका दिने हुन्छन्। उनीहरु अरुलाई तल पार्न जुन हदसम्म पनि जान सक्छन्। जलन र द्वेषको भावना राख्ने मनुष्यक लागि सही र गलतको कुनै अर्थ हुँदैन। यस्ता व्यक्तिमाथि विश्वास गर्नु दुखको कारण हुन सक्छ।,

अरुको दुख देखेर खुशी हुने
यस्ता कयौं मानिस हुन्छन् जसलाई अरुलाई दुखमा देख्दा आफू सुखको अनुभव गर्छन्। यस प्रकारमा मानिस सधैं अरुलाई दुख दिने मनसाय राखेर हिँड्छन्। यस्ता मानिस आफू त दुखमा फस्छन नै अरुलाई पनि दुखमा पार्छन्। यस्ता मानिसप्रति विश्वास गर्नु हुँदैन।

पराइ स्त्रीमाथि आँखा लगाउने
जो मनुष्य पराई स्त्रीमाथि आँखा लगाउँछन् त्यस्ता व्यक्ति हरेक समय उनीहरुको अगाडि पछाडि घुम्छन्। यस्ता व्यक्ति कुनै पनि समय स्त्रीसँग खराब व्यवहार गर्न सक्छन्। यस्ता व्यक्तिमा नराम्रो भावना उत्पन्न हुन्छ। त्यस्ता व्यक्ति आफ्नो इच्छा पूरा गर्न जुन हदसम्म पनि जान तयार हुन्छन्। यस्ता मानिस चरित्रहीन हुन्छन्। यस्ता व्यक्तिमाथि कहिल्यै पनि भरोसा गर्नु हुँदैन।

छल–कपट गर्ने व्यक्ति
छल कपटको भावना कयौं मानिसको मनमा हुन्छ। यस्तो मानिस लोभी र स्वार्थी हुन्छन्। कपटी मानिस आफ्नो स्वार्थ पूरा गर्न कसैसँग जस्तो सुकै काम गर्न पनि पछि पर्दैनन्। यस्ता व्यक्तिलाई कहिल्यै विश्वास गर्नु हुँदैन।

अहंकारी
सामाजिक जीवनमा सबै मानिसका केही सीमा हुन्छन्। प्रत्येक व्यक्तिले त्यो सीमाको पालना गर्नुपर्छ। तर अहंकारी व्यक्तिको कुनै सीमा हुँदैन। अहंकारमा मनुष्यलाई राम्रो नराम्रोको केही होश हुँदैन। अहंकारका कारण मनुष्य कहिल्यै अरुको सल्लाह पनि मान्दैनन्। र आफ्नो गल्ती स्वीकार गर्दैनन्। यस्ता व्यक्ति परिवार र साथीलाई दुख दिने प्रकारका हुन्छन्।