नयाँ दिल्ली। हैदराबाद सामूहिक बलात्कारपछि हत्याको घटना भएको केही दिनमै उत्तर प्रदेशको उन्नाव जिल्लामा सामूहिक बलात्कारकी पीडितलाई जिउँदै जलाइैको जघन्य अपराधको घटना भयो । पीडितले ष्एराती दिल्लीको अस्पतालमा प्राण त्यागिन् । पीडितलाई पेट्रोल खन्याएर जिउँदै जलाइएको थियो । जलाउनेहरु उनलाई सामूहिक बलात्कार गर्नेहरु नै थिए जो जेलबाट छुटेर आएका थिए ।

पुलिसमा दर्ता गरिएको उजुरी अनुसार पीडित युवतीलाई गत वर्ष डिसेम्बरमा सामूहिक बलात्कार गरिएको थियो । डिसेम्बरमै सामूहिक बलात्कार भएको भए पनि यसको उजुरी भने गएको मार्चमा मात्र दर्ता गरिएको थियो । यही मुद्दाको सुनुवाइका लागि अदालत जाँदै गरेकी युवतीलाई बाटोमै आगो लगाएर हत्या गरिएको थियो । बाटोमा युवतीलाई सामूहिक बलात्कारका ५ आरोपीले समातेर कुटपिट गरे, चक्कु प्रहार गरे र आगो लगाइदिए ।

पीडित युवतीले ९० प्रतिशत जलिसकेपछि पनि आफैं एक किलोमिटर परसम्म गएर पुलिसलाई फोन गरेकी थिइन् । उनले पुलिसलाई फोनमै आफूसँग भएको पूरै घटना बताएकी थिइन् । पीडितले फोन गरेपछि मात्र पुलिस र एम्बुलेन्स पुगेको थियो । घटनाका प्रत्यक्षदर्शी स्थानीयका अनुसार ९० प्रतिशत जलिसकेपछि पनि पीडित १ किलोमिटरसम्म पैदल हिँडेर पुलिसलाई फोन गरेकी थिइन् ।

पुलिसले उनलाई नजिकको अस्पतालमा भर्ना गरेको थियो । त्यहाँबाट लखनउको अस्पतालमा रेफर गरियो । पीडितले अस्पतालमै बयान पनि दिएकी थिइन् । मजिस्ट्रेटलाई दिएको आफ्नो बयानमा पीडितले पाँचैजना आरोपीको नाम बताउकी छिन् । उनका अनुसार पाँचैजना आरोपीले मिलेर पहिले उनलाई चक्कु प्रहार गरे त्यसपछि आगो लगाए । पुलिसले सबै ५ जना आरोपीलाई पक्राउ गरेको छ । ५ जनामध्ये एक भर्खरै जेलबाट छुटेर आएका हुन् । बलात्कारका २ जना आरोपीले आफ्ना अन्य ३ जना साथीहरुसँग मिलेर उनलाई जलाएका थिए ।

मार्च २०१९ मा युवतीले उन्नावको बिहार थानामा जो उजुरी दर्ता गराएकी थिइन् त्यमा उल्लेख भए अनुसार युवती र आरोपी एउटै गाउँका हुन् । आरोपीले युवतीलाई बिहेको प्रलोभन दिएर रायबरेलीमा बलात्कार गरेका थिए । उनले यसको भिडियो पनि बनाएका थिए । त्यसपछि धम्की दिएर युवतीलाई कैयौं पटक बलात्कार गरियो । आरोपीले उनलाई फेरि रायबरेली लिएर गए । युवतीले उजुरीमा बताएअनुसार आरोपी उनलाई कोठाबाट बाहिर निस्कन दिँदैनथे । बाहिर निस्केमा मारिदिने धम्की दिन्थे । युवतीले विवाहको लागि दबाब दिएपछि आरोपीले उनलाई गाउँमा लगेर छाडिदिएका थिए ।