नयाँ दिल्ली। भारतको उत्तर प्रदेशको उन्नाव जिल्लामा जिउँदै पेट्रोल खन्याएर जलाइ मारिएकी बलात्कारपीडित युवतीको परिवारले प्रदेशका मुख्यमन्त्री योगी आदित्यनाथ नआउँदासम्म उनको अन्तिम संस्कार नगर्ने अडान लिएको छ । योगी रकारले उनको परिवारलाई क्षतिपूर्तिस्वरुप २५ लाख रुपैयाँ दिने घोषणा गरे पनि उनीहरुले मुख्यमन्त्रीसँग भेट्ने अडान लिएका हुन् । उनहिरुले मुख्यमन्त्री नआउँदासम्म शवको अन्तिम संस्कार नगर्ने बताएका छन् ।

शव शनिबार उन्नाव पुगेको थियो । परिवारले उनको शवलाई नजलाइ गाड्ने भएका छन् । आज आइतबार बिहान १० बजे अन्तिम संस्कार गरिने भनिएकोमा अब परिवारले मुख्यमन्त्री योगी आफूहरुसँग भेट्न नआउँदासम्म शवको अन्तिम संस्कार नगर्ने अडान लिएका हुन् । योगी सरकारले परिवारलाई २५ लाख क्षतिपूर्तिसँगै प्रधानमन्त्री आवास योजना अन्तर्गत एक घर र मुद्दाको सुनुवाइ फास्ट ट्रयाक कोर्टमा गर्ने आश्वासन दिएको छ ।