काठमाडौं । नेपाली क्रिकेट टिमका चर्चित खेलाडी सोमपाल कामीसँगै राष्ट्रिय टिममै नपरेका खेलाडि आदिल खान कतारमा हुने टी–१० क्रिकेट लिगमा खेल्ने पक्का भएको छ । आदिल नेपालको राष्ट्रिय लिगमा प्रदेश नम्बर ३ र पोखरा प्रिमियर लिगमा काठमाडौं रोयल्सबाट खेल्ने खेलाडी हुन् । उनले राष्ट्रिय टिममा भने अझै स्थान बनाउन सकेका छैनन् । उनी अण्डर १९ राष्ट्रिय टिममा भने परेका थिए ।

यही डिसेम्बर ७ तारिखदेखि कतारमा हुने टी–१० लिग आयोजकले सोमबार आधिकारिकरुपमा सार्वजनिक गरेको सूची अनुसार हालसम्म नेपालबाट सोमपाल र आदिल खेल्ने पक्का भएको हो। सोमपाल फ्लाइङ ओरिक्स र आदिल पर्ल ग्ताडिएटर्सबाट खेल्ने भएका हुन् । घोषित टिममा कतिपय खेलाडी अझै घोषणा नभएकोले नेपालका अन्य खेलाडी पनि पर्न सक्ने सम्भावना छ ।

पारिश्रमिक

कतारमा हुने टी–१० मा सहभागी हरेक खेलाडीले उनीहरुको स्तर अनुसार पारिश्रमिक पाउने बताईएको छ। जसका अनुसार आइकन प्लेयरले २० हजार डलर, अन्तर्राष्ट्रिय खेलाडीले ५ हजारदेखि १५ हजार डलर, एशोसिएट खेलाडीले ३ हजार डलर र कतारका स्थानीयले १५ सय देखि ५ हजार डलर पारिश्रमिक पाउने छन् ।

क्यू टी–१० लिगमा खेल्ने टिमहरु

फाल्कन हन्टर्स

फ्लाइङ ओरिक्स

डिजर्ट राइडर्स

पर्ल ग्लेडिटर्स

हिट स्टोर्मर्स

स्विफ्ट ग्यालोपर्स

सोमपाल खेल्ने फ्लाइङ ओरिक्सका खेलाडीहरु

आदिल खेल्ने पर्ल ग्लाडिएटर्स खेलाडीहरु