एजेन्सी । स्पेनिस ला लिगा फुटबलमा रियल मड्रिडले जित निकालेको छ । शनिबार राति भएको खेलमा रियलले सेभियालाई २–१ गोल अन्तरले पराजित गरेको हो ।

घरेलु मैदानमा रियलको जितमा कासिमिरो नायक बने । दुवै गोल उनले गरे । सेभियाका लुक डी जोङले एक गोल फर्काए ।

रियलका कासिमिरोले खेलको ५७ औं मिनेटमा गोल गर्दै टिमलाई अग्रता दिलाएका थिए। त्यसपछि ६४ औं मिनेटमा सेभियाका लुक डी जोङले गोल गर्दै खेललाई बराबरीमा ल्याए। तर कासिमिरोले ६९ औं मिनेटमा व्यक्तिगत दोस्रो गोल गर्दै टिमलाई जित दिलाए।

जितसँगै रियल ला लिगाको शिर्ष स्थानमा उक्लिएको छ। रियलले २० खेलमा ४३ अंक जोडेको छ। दास्रो स्थानको बार्सिलोनाको १९ खेलमा ४० अंक रहेको छ।