चर्चित पूर्वानुमान वेबसाइट गोल्ड डर्बी भन्छ–‘आर्थर गन अमेरिकन आइडलको उपाधि नजिक’
काठमाडौं। अवार्ड पूर्वानुमानको लाचि चर्चित अमेरिकी मनोरञ्जनात्मक समाचार वेबसाइट गोल्ड डर्बीले आर्थर गन अर्थात नेपाली युवा गायक दिवेश पोखरेल अमेरिकन आइडलको उपाधि नजिकै भएको पूर्वानुमान गरेको छ । अमेरिकन आइडलको फाइनल आइतबार मे १७ का दिन (नेपाली समयअनुसार भोलि सोमबार बिहान) हुँदैछ ।
मे १० का दिन टप ७ प्रतिस्पर्धीहरुले २ गित गाएका थिए । एउटा मदर्स डेको सम्मानमा र अर्को डिज्नी क्याटलगबाट थियो । यी ७ प्रतिस्पर्धीमध्ये ५ जना मात्र आइतबारको फाइनलमा पुग्नेछन् । यसको निर्णय भोटको आधारमा हुनेछ । गोल्ड डर्बीले आइतबार हुने फाइनलको पूर्वानुमानको लागि दर्शकहरुसँग केही प्रश्नहरु सोधेको थियो ।
गोल्ड डर्बीका अनुसार अमेरिकन आइडलको उपाधि कसले जित्ला भन्ने प्रश्नको जवाफमा अमेरिकन आइडल फ्यानहरु २ जना प्रतिस्पर्धीका बीचमा विभाजित छन् । ती दुई प्रतिस्पर्धीमध्येका एक नेपाली आर्थर गन अर्थात दिवेश पोखरेल हुन् र अर्की जस्ट साम हुन् । यद्यपि फ्यानको भोटमा आर्थर गनले ठूलो अग्रता लिइरहेको रिपोर्टमा उल्लेख छ ।
रिपोर्टका अनुसार आर्थर गनले ३१ प्रतिशत भोटसहित अग्रता लिइरहेका छन् र जस्ट साम २१ प्रतिशत भोटका साथ उनलाई पच्छ्याइरहेकी छिन् । यी दुवै गत हप्तादेखि ४ अंकले अरु प्रतिस्पर्धीभन्दा अगाडि छन् । यीबाहेक अन्य ५ जना उपाधिका प्रतिस्पर्धीहरुमध्ये केवल ३ जनाले मात्र दोहोरो अंकको भोट पाएका छन् ।
जोनी वेष्टको १४ प्रतिशत, डिलोन जेम्सको १२ प्रतिशत र फ्रान्सिस्को मार्टिनको ११ प्रतिशत भोट छ । जुलिया गार्गानोको ७ र लुइस नाइटको ४ प्रतिशत छ । उपाधिका ७ प्रतिस्पर्धीमध्ये २ जना आइतबारको फाइनलको सुरुमै बाहिरिनेछन् । त्यसपछि टप ५ प्रतिस्पर्धीहरुले २–२ गीत गाउनेछन् । एउटा नयाँ ट्युन हुनेछ र अर्को यही सिजनको अगाडिका एपिसोडबाट लिइनेछ ।
Facebook Comment