नेपालीलाई गाली गर्ने अर्नब गोस्वामी पुलिसको फन्दामा, अनुसन्धानमा गम्भीर अपराधको खुलासा
काठमाडौं। सीमा विवादको विषयमा नेपालीप्रति आक्रामक रुपमा प्रस्तुत हुने भारतको रिपब्लिक टिभीका मालिक तथा सम्पादक अर्नब गोस्वामी मुम्बइ पुलिसको फन्दामा परेका छन् । मुम्बइ पुलिसका कमिश्नर परमवीर सिंहले बिहीबार एक पत्रकार सम्मेलनमा रिपब्लिक टिभीले देशको नम्बर १ च्यानल बन्नको लागि नक्कली टिआरपी पैसा तिरेर किन्ने गरेको खुलासा भएको बताएका छन् । यसरी नक्कली टिआरपीको धन्दा गर्ने २ जनालाई पक्राउ गरिएको कमिश्नर सिंहले बताए ।
मुम्बइ मिररका अनुसार अनुसन्धानका क्रममा नक्कली टिआरपी किन्ने तीन च्यानलको नाम खुलासा भएको छ । तर रिपब्लिक टिभीबाहेक अन्य च्यानलको नाम खुलाइएको छैन । अब तीनवटै च्यानलका आधिकारिक व्यक्तिलाई कानुनी नोटिस पठाएर सोधपुछका लागि बोलाइनेछ । कमिश्नर सिंहका अनुसार नक्कली टिआरपीको धन्दा चलाउने गिरोह नै सक्रिय भएको पाइएको छ । यसरी नक्कली टिआरपीको धन्दा गरेर समाचार च्यानल एक नम्बर बन्ने गरेका थिए ।
च्यानलका मालिकहरुले पैसा दिएर टिआरपी तलमाथि गराउँथे । यस्तो गर्ने २ साना च्यानलका मालिक पक्राउ परिसकेका छन् । रिपब्लिक टिभीका प्रवद्र्धक र निर्देशकविरुद्ध अनुसन्धान भइरहेको छ । कमिश्नरका अनुसार अनुसन्धानमा यस्ता कैयौं घर भेटिएका छन् जहाँ टिआरपी मिटर लगाइएको थियो । यी घरका मानिसहरुलाई पैसा दिएर २४ घण्टा एउटै च्यानल चलाउन लगाइन्थ्यो ताकि च्यानलको टिआरपी बढोस् । अनुसन्धानमा केही घर त यस्तासमेत भेटिएका छन् जो बन्द थिए तर त्यहाँ टिभी चलिरहन्थ्यो । यी घरका मानिसलाई टिआरपीको धन्दा गर्नेहरुले दैनिक ५ सयसम्म दिन्थे ।
कमिश्नरका अनुसार अहलेसम्म २ जनालाई पक्राउ गरिएको छ । उनहिरुसँग सोधपुछ भइरहेको छ । अहिलेसम्म रिपब्लिक टिभी र २ स्थानीय च्यानलको नामको खुलासा भएको छ । यी च्यानलले फर्जी टिआरपीको धन्दा गर्थे । रिपब्लिक च्यानलका निर्देशक, प्रवद्र्धकलाई कानुनी पत्र पठाएर अनुसन्धानका लागि बोलाइनेछ । यो केसको गहन रुपमा जाँच भइरहेको छ । अनुसन्धानको क्रममा अन्य नामको पनि खुलासा हुने सम्भावना छ । उनीहरु विरुद्ध पनि कारवाही गरिनेछ ।
Facebook Comment