हुम्लामा भारी हिमपात, जनजीवन कष्टकर (फाेटाेफिचर)

तस्वीर: दाने बोहरा/रासस


सिमकोट । हुम्लामा आइतबारदेखि हिमपात शुरु भएको छ । सदरमुकामलगायत जिल्लाका उच्च क्षेत्रमा हिमपात हुँदा यहाँका जनजीवन कष्टकर भएको स्थानीयवासी बताउँछन् ।

हिमपातले हुम्लाको उत्तरी नाम्खा गाउँपालिकाका प्रायः बस्तीमा चार फिट भन्दा बढी हिउँ जमेको छ । अहिले सदरमुकाम सिमकोटमा एक फिट हिउँ जम्दा सिमकोटमा तापक्रम माइनस ८.० डिग्रीमा झरेको छ ।

हिमपातका कारण हुम्लाको सिमकोट विमानस्थलमा जहाजहरु पनि रोकिन पुगेका थिए । आइतबार बिहान नेपालगञ्जबाट उडान भरेका जहाज मध्यान्हपछि हिमपात हुँदा रोकिएका थिए ।

हिमपातले विमानस्थलमा रोकिएका तारा एयरलाइन्सका दुई जहाजले आज मात्रै उडान भरेको सिमकोट विमानस्थलले जानकारी दिएको छ । जहाजमा रहेको ब्याट्रिमा सामान्य समस्या आएपछि मर्मतका लागि प्राविधिक टोली लिएर अर्को जहाज आएको थियो । मर्मत गरी फर्कने बेला मौसम खराब भएपछि जहाज रोकिएको सिमकोट विमानस्थका प्रमुख विष्णुप्रसाद अधिकारीले जानकारी दिए ।

आइतबार अपरान्हदेखि परेको हिमपातले हुम्लालगायतका हिमाली जिल्लामा हवाई सेवा बन्द भएको बताइएको छ ।

Facebook Comment


सम्बन्धित खवर

ताजा भिडियो