बाइडेनको शपथ ग्रहणमा ठूलै अशुभ घटना हुने आशंका, क्यापिटल हिल आसपास बम भेटिए – Dcnepal

बाइडेनको शपथ ग्रहणमा ठूलै अशुभ घटना हुने आशंका, क्यापिटल हिल आसपास बम भेटिए

काठमाडौं। अमेरिकाका निर्वाचित राष्ट्रपति जो बाइडेनको २० जनवरीमा हुने शपथ ग्रहणका क्रममा ठूलै अशुभ घटना हुन सक्ने आशंका गरिएको छ । अमेरिकाको संसदमा अघिल्लो बिहीबार राष्ट्रपति डोनाल्ड ट्रम्पका समर्थकले आक्रमण गरेका थिए जसमा ५ जनाको ज्यान गएको थियो । अहिले यो घटनाका विषयमा नयाँ खुलासा भएको छ ।

सीएनएनको रिपोर्टअनुसार त्यस दिन संसद भवनको केही दूरीमा एउटा ट्रक रोकेर राखिएको थियो । त्यो ट्रकबाट ११ वटा बमसहित केही हतियार बरामद गरिएका थिए । रिपोर्टका अनुसार यो सानो पिकअप ट्रक थियो । यसका मालिक अल्बामाका बासिन्दा हुन् । उनलाई गिरफ्तार गरिएको छ । ट्रकबाट ११ वटा होममेड बम, एउटा असाल्ट राइफल र एउटा ह्याण्डगन जफत गरिएको छ । रिपोर्टका अनुसार यी व्यक्तिको निशानामा तल्लो सदनकी सभामुख न्यान्सी पेलोसी थिइन् ।

यी हतियार ट्रम्प समर्थक प्रदर्शनकारीहरुसम्म पुर्याउने तयारी भएको बताइएको छ । यही कारण ट्रकलाई क्यापिटल हिल नजिकै पार्क गरिएको थियो । यो विषयमा अनुसन्धान जारी छ । यो खुलासासँगै अमेरिकी सुरक्षा अधिकारीहरुले बाइडेनको शपथ ग्रहण समारोहका क्रममा पनि हिंसा फैलिन सक्ने आशंका गरेका छन् । वाशिङटन, जर्जिया, कान्सास, ओहियो, मिशिगन, क्यालिफोर्निया, कोलोराडो, उटाह, न्यू मेक्सिको, व्योमिंग र टेक्सास जस्ता राज्यमा सुरक्षा सतर्कता बढाइएको छ ।

Facebook Comment


सम्बन्धित खवर

ताजा भिडियो