थप १२० जनामा कोरोना पुष्टि, सक्रिय संक्रमित १२ सय – Dcnepal

थप १२० जनामा कोरोना पुष्टि, सक्रिय संक्रमित १२ सय

काठमाडौं । बिहिबार नेपालमा थप १२० जनामा कोरोना भाइरस संक्रमण पुष्टि भएको छ । योसँगै नेपालमा कोरोना संक्रमितको कुल संख्या २ लाख ७६ हजार ५०९ पुगेको छ ।

स्वास्थ्य तथा जनसंख्या मन्त्रालयका अनुसार नेपालमा सक्रिय संक्रमितको संख्या १२ सय १७ रहेको छ । पछिल्लो २४ घण्टामा ८५ जना निको भएका छन् । हालसम्म संक्रमणमुक्त हुनेको संख्या २ लाख ७२ हजार २७२ पुगेको छ । हालसम्म कोरोनाको कारण ३ हजार २० जनाको मृत्यु भएको छ । पछिल्लो २४ घण्टामा कोरोनाबाट शुन्य मृत्यु भएको मन्त्रालयले जनाएको छ ।

यस्तै, हालसम्म ५५ जना क्वारेन्टीनमा रहेका छन् । हालसम्म २२ लाख ५१ हजार ८८४ जनाको पीसीआर परीक्षण गरिएको छ ।

Facebook Comment


सम्बन्धित खवर

ताजा भिडियो