काठमाडौं। होलीको अवसरलाई मध्यनजर गरेर गायिका मेलिना राई र गायक अनुप रेग्मीको आवाजमा रहेको होली रंग गीतको भिडियो सार्वजनिक भएको छ।

अमेरिकामा नेपालीहरुद्वारा सञ्चालित युट्युब नौलो डिजिटल मार्फत सार्वजनिक भएको उक्त भिडियोमा जीवन भट्टराई, कमल सिंह र रिचा थापाको अभिनय रहेको छ। भिडियोको छायाँकन बुद्ध थापा , सम्पादन बिकास दाहाल र निर्देशन प्रकाश धितालले गरेका छन्।

अमेरिकामा रहेकी गीतकार कमला न्यौपानेको होली गीतमा संगीतकार येदिन गजमेरको संगीत रहेको छ।