काठमाडौं। साताको दोस्रो दिन सोमबार सुनचाँदीको मूल्य सामान्य बढेको छ। सोमबार सुन तोलामा ४ सयले बढेको छ भने चाँदी पाँच रुपैयाँले बढेको छ।

नेपाल सुनचाँदी व्यवसायी महासंघका अनुसार आइतबार ९० हजारमा कारोबार भएको सुनको मूल्य सोमबार ४ सय रुपैयाँ बढेर प्रतितोला ९० हजार ४ सय रुपैयाँमा कारोबार भइरहेको छ।

यस्तै तेजावी सुनको मूल्य पनि बढेर ८९ हजार ९ सय ५० रुपैयाँ कायम भएको छ।

सोमबार चाँदीको मूल्य तोलामा ५ रुपैयाँले बढेर १२ सय ९५ पुगेको महासंघले जनाएको छ।