यसअघि पोर्न फिल्मकै केसमा पक्राउ परेकी अभिनेत्रीले राज कुन्द्राबारे कैयौं खुलासा गरिन् – Dcnepal

यसअघि पोर्न फिल्मकै केसमा पक्राउ परेकी अभिनेत्रीले राज कुन्द्राबारे कैयौं खुलासा गरिन्

काठमाडौं। अश्लील फिल्म बनाएको अभियोगमा व्यवसायी राज कुन्द्रा पक्राउ परेसँगै यो केसमा अभिनेत्री गहना वशिष्ठको पनि नाम आएको छ । गहना यसअघि पोर्न फिल्म बनाएकै अभियोगमा पक्राउ परेर अहिले धरौटीमा बाहिर छिन् । उनीमाथि पनि युवतीहरुलाई बाध्य पारेर अश्लील फिल्म बनाएको आरोप लागेको छ । फेब्रुअरीमा पक्राउ परेकी उनी गत महिना मात्र छुटेकी हुन् ।

एक भारतीय मिडियासँग कुराकानी गर्दै गहनाले राज कुन्द्राले बनाउने फिल्महरुका बारेमा खुलासा गरेकी छिन् । उनले कुराकानीमा भनिन् ‘मानिसहरुले जसरी पोर्न कन्टेन्टको कुरा गरिरहेका छन् यी कुनै पनि फिल्म पोर्न फिल्म होइनन् । यिनीहरु निकै बोल्ड र इरोटिक फिल्महरु हुन् । यी फिल्म पोर्नको वर्गमा पर्दैनन् । यी फिल्मलाई गलत तरिकाले पेश गरिएको छ । म ती मानिसहरुसँग यही भन्न चाहन्छु कि जबसम्म तपाइँ फिल्म हेर्नुहुन्न तबसम्म यसलाई पोर्न कसरी भन्न सक्नुहुन्छ ?’

गहनाले राज कुन्द्रासँग पनि काम गरेकी थिइन् । उनले भनिन् ‘मैले राज कुन्द्रासँग तीन फिल्ममा काम गरेकी छु । मैले उनका फिल्ममा अभिनेत्रीको रुपमा काम गरेकी छु । राजले मलाई कहिल्यै दबाब दिएनन् । केही लुकाएका पनि छैनन् । र कागजमा एउटा कुरा र सेटमा केही अर्कै कुरा भएको पनि छैन । निकै व्यवसायिक तरिकाले काम गरेका थियौं । मैले जति पनि फिल्म गरेकी छु तिनीहरुलाई पोर्न भन्नु त निकै ठूलो कुरा हुनेछ । धेरै इरोटिक पनि थिएनन् । यी फिल्ममा भन्दा इरोटिक दृश्य त मैले बालाजीको गंदी बातमा गरेकी छु ।’

गहनाले अगाडि भनिन् ‘जब मैले अभिनेत्रीको रुपमा उनीसँग काम गरेकी छु र त्यहाँ कुनै दबाब दिइएको छैन भने म कसरी मानुँ कि राजले युवतीहरुलाई दबाब दिएर काम गराएका छन् । मलाई लगभग ५ महिनाको लागि जेलमा हालिएको थियो । यो आरोप थियो कि मैले सेटमा भेटेकी थिएँ जबकि त्यस दिन म सेटमै थिइन । मलाई त अदालतमा ७ तारिखमा बोलाइयो । ५ तारिखका दिन म दिनभर थानामा थिएँ । मेरो विरुद्ध केही नपाएपछि मलाई फिर्ता पठाइयो अनि आफ्नो मनगढन्ते कहानी बताएर मलाई जेलमा हालियो ।’

गहनाले बाहिर देखाइएको कुरा र वास्तविकता पूरै फरक रहेको बताइन् । आफूलाई गलत आरोप लगाएर जेल हालिएको र अहिले राज कुन्द्रासँग पनि त्यही भएको उनले दावी गरिन् । राज कुन्द्राको भावी योजनाबारे कुरा गर्दै उनले भनिन् ‘हामी अफिसमा कैयौं पटक भेटेका छौं । हाम्रो भेट एउटा एप लञ्च गर्ने विषयमा भएको थियो । राज कुन्द्रा एक एप लञ्च गर्दै थिए । जसको नाम बलिफेम थियो । यो एपको लागि मैले एक फिल्म बनाउँदै थिएँ । यसको लागि स्क्रिप्ट तयार गर्दै थियौं ।’

Facebook Comment


सम्बन्धित खवर

ताजा भिडियो