पर्सी राज कुन्द्राको केसको सुनुवाइका दिन शिल्पा शेट्टीको फिल्म रिलिज हुने
काठमाडौं। पोर्न भिडियो बनाएर अनलाइनमा सार्वजनिक गरेको अभियोगमा पक्राउ गरेका बलिउड अभिनेत्री शिल्पा शेट्टीका पति तथा व्यवसायी राज कुन्द्राको हिरासत समयका विषयमा पर्सी शुक्रबार सुनुवाइ हुँदैछ ।
यही दिन अभिनेत्री शिल्पा शेट्टीको फिल्म पनि रिलिज हुँदैछ । बलिउडमा १४ वर्षपछि फर्किएकी शिल्पा शेट्टीको फिल्म हंगामा–२ शुक्रबार रिलिज हुँदैछ । डिज्नी हटस्टारमा फिल्म रिलिज भएको दिन शिल्पा शेट्टीको लागि उत्सव हुनुपर्ने थियो तर राज कुन्द्राको गिरफ्तारीले उनीहरुको उत्सव खराब भएको छ ।
शिल्पा कमेडी फिल्मबाट बलिउडमा कमब्याक गर्दैछिन् तर फिल्म रिलिजकै दिन उनको जीवनमा भने ट्रेजडी भएको छ । २३ जुलाइमा हंगामा २ को ओटिटी प्रिमियर भइरहेकै बेला राज कुन्द्राको पुलिस रिमाण्ड बढाउने वा न्याधिक हिरासतमा पठाउने भन्ने विषयमा फैसला हुनेछ । शिल्पा शेट्टी २००७ मा लाइफ इन अ मेट्रो र अपने फिल्ममा देखिएकी थियन् । त्यसपछि ओम शान्ति ओमको एउटा गीतमा देखिइन् । त्यसयता शिल्पा फिल्ममा देखिएकी छैनन् ।
१४ वर्षपछि उनी प्रियदर्शनको फिल्म हंगामा २ मा देखिँदैछिन् । शिल्पाको साथमा फिल्ममा प्रणिता सुवास, परेश रावल जस्ता कलाकार मुख्य भूमिकामा छन् । यो निर्देशक प्रियदर्शनको पनि बलिउड कमब्याक फिल्म हो । यसअघि प्रियदर्शनको फिल्म रंगरेज २०१३ मा आएको थियो ।
Facebook Comment