सानिया मिर्जाले आफ्ना पतिका लागि ताली बजाउँदा सामाजिक संजालमा हंगामा – Dcnepal

सानिया मिर्जाले आफ्ना पतिका लागि ताली बजाउँदा सामाजिक संजालमा हंगामा

काठमाडौं। टि–२० विश्वकपको सेमिफाइनल हेर्नेहरुमा सानिया मिर्जा एक्ली भारतीय होलिन् वा नहोलिन् भन्ने स्पष्ट भन्न सकिँदैन तर सामाजिक संजालमा चलिरहेको यो विषयको आफ्नै कारण छ । भारत विश्वकपबाट बाहिरिइसकेको छ । इङल्याण्ड, न्यूजिल्याण्ड, पाकिस्तान र अस्ट्रेलिया सेमिफाइनल पुगेका छन् । भारत अन्तिम खेल नखेल्दै बाहिरिइसकेको थियो ।

सामाजिक संजालमा भने सानिया मिर्जाको चर्चा छ । सानिया मिर्जाका पति शोएब मलिकले आइतबार स्कटल्याण्डविरुद्ध १८ बलमा ५४ रनको तुफानी इनिङ खेले । त्यो खेल सानिया मिर्जाले स्टेडियममै बसेर हेरिरहेकी थिइन् । उनले शोएब मलिकलाई हौसला दिइन्, उत्साह बढाउनको लागि ताली बजाइन् र सामाजिक संजाल, खासगरी ट्वीटरमा हंगामा मच्चियो ।

खासमा सानिया मिर्जा भारतीय खेलाडी हुन् । टेनिस स्टार सानियाले भारतकै झण्डामुनि खेलेर कैयौं विश्वस्तरीय उपाधि जितिसकेकी छिन् । उनका पति शोएक मलिक पाकिस्तानी हुन् । पाकिस्तानी क्रिकेट टिमका पूर्व कप्तान समेत रहेका शोएब मलिकसँग बिहे गरेकी भए पनि सानिया अझै पनि भारतीय झण्डामुनि नै अन्तर्राष्ट्रिय खेल खेल्छिन् । यही कारण यो विषयले सामाजिक संजाल तातेको हो ।

Facebook Comment


सम्बन्धित खवर

ताजा भिडियो