काठमाडौं। एक जोडीले प्यारासेलिङको मजा लिइरहेका बेला अचानक डोरी चुँडिएको छ । यो घटनाको भिडियो पनि रेकर्ड भएको छ र यो भिडियो सामाजिक संजालमा निकै भाइरल भइरहेको छ । यो भिडियो गुजरातको नगवा बीचको भएको बताइएको छ । आइतबार बिहान गुजरातको जुनागढका यी दुईजना प्यारासेलिङ गर्न गएका थिए ।

प्यारासेलिङका क्रममा उनीहरु केही बेरसम्म हावामा माथिसम्म उडे त्यही बेला अचानक डोरी चुँडिएपछि उनीहरु समुद्रमा खसेका छन् । तत्काल लाइफ गार्डले उनीहरुलाई समुद्रबाट उद्धार गरेका छन् । घटनापछि यो जोडी निकै डराएको बताइएको छ । यसरी दुर्घटनामा पर्ने जोडी स्वास्थ्यकर्मी अजित कथाड र उनकी पत्नी भएको बताइएको छ ।

@VisitDiu @DiuTourismUT @DiuDistrict @VisitDNHandDD
Parasailing Accident,
Safety measures in India,
and they said very rudely that this is not our responsibility. Such things happens. Their response was absolutely pathetic.#safety #diu #fun #diutourism #accident pic.twitter.com/doN4vRNdO8

— Rahul Dharecha (@RahulDharecha) November 14, 2021

घटनापछि अजितका भाइ राकेशले बताएअनुसार घटनाको बेला उनी मोटरबोटमा थिए । घटनापछि प्यारासेलिङ कम्पनीका मालिक मोहन लक्ष्मणले टाइम्स अफ इण्डियासँग कुरा गर्दै ३ वर्षमा पहिलो पटक यस्तो दुर्घटना भएको बताए । अजित कथाड र उनको परिवारले यो घटनापछि कम्पनीमाथि लापरवाहीको आरोप लगाएका छन् ।