रौतहटमा मोटरसाइकल दुर्घटना हुँदा २ जनाको मृत्यु
रौतहट। रौतहटमा मोटरसाइकल दुर्घटना हुँदा २ जनाको मृत्यु भएको छ। गरुडा नगरपालिका- ४ मा दुर्घटना हुँदा रौतहट जिल्लाको गढीमाई नगरपालिका ८ का १९ वर्षीय महमद अलताफ आलम र २५ वर्षीय रवि साहको मृत्यु भएको हो ।
राती करिब १२ बजे गरुडाबाट समनपुर जाने सडकमा ना ६२ प ३३९९ नम्बरको मोटरसाइकल अनियन्त्रित भई दुर्घटना भएको डीएसपी श्रीराम भण्डारीले जानकारी दिए।
उनीहरुलाई उपचारका लागि अस्पताल लैजाँदै गर्दा बाटोमै मृत्यु भएको हो। प्रहरीले घटनाबारे अनुसन्धान गरिरहेको छ।
प्रतिक्रिया
Facebook Comment