काठमाडौं। भारतको राजधानी दिल्लीको शाहदरा क्षेत्रको कस्तुरबा नगरमा एक महिलालाई अपहरण गरेर सामूहिक बलात्कार गरिएको घटनामा पुलिसले अहिलेसम्म ११ जनालाई पक्राउ गरेको छ । यी महिलालाई अपहरण गरेर बलात्कार गरेपछि त्यहाँको समाजले पीडितलाई नै कपाल मुण्डन गरेर उनको अनुहारमा कालोमोसो लगाइएको थियो । त्यसपछि उनलाई जुत्ताको माला लगाएर बजारमा तमाशा बनाएर डुलाइएको थियो । पीडितको उमेर २० वर्ष बताइएको छ ।

दिल्ली पुलिसले शुक्रबार बताएअनुसार एफआइआरमा ११ जनाको नाम छ । पक्राउ गरिएकामध्ये ९ जना महिला छन् । दिल्ली पुलिसले छिटै अरु पनि गिरफ्तारी हुने बताएको छ । समाचार एजेन्सी एएनआइको रिपोर्टअनुसार बुधबार यी महिलाका पतिले घटनाबारे पुलिसलाई जानकारी दिएका थिए । पीडितका पति घटनास्थलमा थिएनन् र उनलाई उनको घरमालिकले यसबारे जानकारी दिएका थिए ।

पुलिसले सूचना पाउनासाथ घटनास्थल पुगेर महिलालाई बचाएर थाना लिएर आएको बताएको छ । पुलिसले भारतीय दण्ड विधानका विभिन्न धाराअनुसार मुद्दा दर्ता गरेको छ । यसमा सामूहिक बलात्कार, कुटपिट, यौन आक्रमण, आपराधिक षड्यन्त्र लगायतका धाराहरु छन् । महिलाकी बहिनीले समाचार एजेन्सी पीटिआइलाई बताएअनुसार छिमेकका एक युवकले गत वर्ष नोभेम्बरमा आत्महत्या गरेका थिए । ती युवकले पीडित महिलासँग प्रेम गर्ने दावी गरेका थिए । बहिनीका अनुसार मृतक युवकका परिवारले उनकी दिदीलाई युवकको मृत्युको जिम्मेवार भन्थे ।

बहिनीका अनुसार उनीहरुलाई गएको नोभम्बरदेखि नै डर धम्की दिने र सताउने क्रम चलिरहेको थियो । नोभेम्बरमा अहिलेका अभियुक्त मध्येका एकका छोराले कथित रुपमा पीडित महिलाले अस्वीकार गरेको भन्दै रेलवे ट्रयाकमा आत्महत्या गरेका थिए । पीटिआइको रिपोर्टअनुसार ती युवकका परिवारले कथित रुपमा बदला लिने कसम खाएका थिए ।

Delhi Police appeals everyone not to share the alleged video of the incident, as it amounts to breaching the identity and dignity of the victim.
This is insensitive and against the law and attracts penal action.(2/2)#DelhiPoliceUpdates#DelhiPoliceCares

— Delhi Police (@DelhiPolice) January 27, 2022

बहिनीका अनुसार बुधबार उनी दिदीलाई गहुँ दिन आएकी थिइन् । उनलाई केही मानिसहरुले आफ्नो पिछा गरिरहेको थाहा थिएन । केहीको हातमा डण्डा थिए र एक महिलाको हातमा कैंची थियो । जब उनी दिदीको घर पुगिन् र उनले दिदीलाई तल आउन भनिन् त्यही बेला एक अटोरिक्सामा उनलाई अपहरण गरियो ।

उनले भनिन् ‘उनीहरुले मेरो मोबाइल खोसे ताकि मैले पुलिसलाई यसको रिपोर्ट गर्न नसकुँ । उनीहरुले मेरो आँखैअगाडि दिदीलाई अटोमा अपहरण गरे । गाडीभित्रै उनीहरुले दिदीको कपाल काट्न थाले । उनीहरुले दिदीलाई आफ्नो घरभित्र लगेर बन्द गरिदिए । उनको टाउको मुण्डल गरियो । उनलाई नराम्रोसँग कुटपिट गरियो र दिदीसँग गलत काम गरियो ।’

उनका अनुसार अभियुक्तहरुले उनका भतिजालाई पनि अपहरण गरेका थिए तर उनलाई भने कुनै तरिकाले छुटाउन सफल रहिन् । उनले भतिजालाई एउटा घरमा लुकाएर राखेकी छिन् र उनका अनुसार भतिजाको ज्यानलाई खतरा छ । बहिनीले भनिन् ‘मेरी दिदीसँग यो सब भइरहेका बेला कोही सहयोग गर्न आएनन् । डरले कुनै छिमेकी उनलाई बचाउन आएनन् । उनले कुनै तरिकाले पुलिसलाई यसको जानकारी दिन सकिन् र पुलिसले दिदीलाई छुटाए ।

पुलिसका अनुसार यो मामिलामा नाम आएका सबै ११ जना अवैध रक्सी कारोबारमा संलग्न छन् । पुलिसका अनुसार पक्राउ परेकामध्ये २ जना किशोर उमेरका पुरुष हुन् र उनीहरुमाथि बलात्कारको आरोप छ । पीडितको २०१८ मा बिहे भएको थियो र उनी आनन्द विहार क्षेत्रमा ३ वर्षकी छोराको साथमा भाडाको घरमा बस्छिन् ।

बहिनीका अनुसार पहिले पनि उनीहरुले धम्की दिएपछि पुलिसलाई खबर गरिन्थ्यो र विवाद आपसी समझदारीका सुल्झाइन्थ्यो । तर, दिदीमाथि यति निडरताका साथ आक्रमण हुन सक्छ भन्ने उनले सोचेकी थिइनन् । पीडितका ३९ वर्षका पिता पक्षघातग्रस्त छन् । आमाको २०२० मा मृत्यु भइसकेको छ । त्यसपछि परिवारको सबे जिम्मेवारी यी दिदीबहिनीको काँधमा छ ।

An unfortunate incident of sexual assualt on a woman due to personal enmity happened in Shahdara District today .
Police has nabbed four accused and probe is on. All possible help and counselling is being provided to the victim. @CPDelhi @DCP_SHAHDARA #DelhiPoliceUpdates pic.twitter.com/Num74VqgVO

— Delhi Police (@DelhiPolice) January 26, 2022

पीडितका पिताले पीटिआइसँग कुरा गर्दै भने ‘मेरी छोरीको बिहेको बेला कुनै समस्या भएन । पछिल्लो एक वर्षदेखि उनीहरुले उनलाई सताइरहेका थिए । उनीहरुले हामीलाई धम्क्याइरहेका थिए तर मैले के गर्न सक्थें, ओच्छ्यानमा छु ।’ यो घटनापछि पीडितको घरमा गाउँलेहरु आउने क्रम बढेको छ । उनीहरु न्यायको माग गरिरहेका छन् । पीडितका हजुरबुवा हजुरआमा भन्छन् ‘दोषीहरुले कडा सजाय पाउनुपर्छ । यो देशमा कुनै छोरीसँग यस्तो हुनु हुँदैन ।’

दिल्लीका मुख्यमन्त्री अरविंद केजरीवालले बुधबार यो घटनालाई लज्जाजनक भनेका छन् र केन्द्र सरकारसँग पुलिसलाई कडा कारवाही गर्न निर्देशन दिन अपिल गरेका छन् । दिल्लीको महिला आयोगले यो घटनाको विषयमा दिल्ली पुलिसलाई नोटिस जारी गरेको छ र अभियुक्तहरुको गिरफ्तारीको लागि छिटो कदम उठाउन माग गरेको छ ।

यसअघि शाहदरा क्षेत्रको लागि दिल्ली पुलिसका उपायुक्त आर सत्यसुन्दरमले भनेका थिए ‘आपसी रिसइवीका कारण शाहदरा जिल्लामा एक महिलामाथि यौन हमलाको दुर्भाग्यपूर्ण घटना भएको छ । पुलिसले ४ अभियुक्तलाई गिरफ्तार गरेको छ र घटनाको जाँच भइरहेको छ । पीडितलाई काउन्सिलिङ र हरसम्भव सहयोग गरिएको छ ।’